9-sinf jahon tarixi fanidan

G’arbiy Yevropa madaniyati. G’arbiy Yevropada madaniyat Vizantiya madaniyatidan orqada edi. Buning asosiy sababi bu mintaqada markazlashgan hokimiyatning bo’lmaganligidir. Bundan tashqari, parchalangan G’arbiy Yevropa xorijiy davlatlar bilan aloqada bo’la olmagan. Natijada yevropaliklar o’zlarining biqiq hayotlari doirasida cheklanib qolganlar. Bu hol, o’z navbatida, G’arbiy Yevropada asosan diniy aqidalarning hukmronligiga olib kelgan. Savodli kishilar juda oz bo’lgan. Ularning katta qismini ruhoniylar tashkil etgan. Cherkov qadimgi dunyo madaniyatining faqat o’ziga ma’qul bo’lgan jihatlarinigina qabul qilgan.
Monastirlarning Yevropa madaniyatida tutgan o’rni. Maktablar asosan monastirlar qoshida ochilgan. UIar cherkov xizmatchilarini tayyorlagan. O’quvchilar diniy duolarni, cherkov qo’shiqlarini yod olganlar. O’qish, yozish va hisob amallarini o’rganganlar. Ruhoniylar astronomiyaga oid bilimlardan diniy bayramlar kunini aniqlashda, geometriyaga doir bilimlardan esa ibodatxonalar qurishda foydalanganlar. Kitoblar, duolar, qonunlar lotin tilida yozilgan. Shuning uchun o’qish lotin tilida (Vizantiyada yunon tilida) olib borilgan. Va­holanki, bu davrda hech bir xalq amalda lotin tilida so’zlashmas edi. Monastirlarda monaxlar kitob ko’chirish bilan ham shug’ullanganlar. Yozuvlar yupqa terilarga yozilgan. Shu tariqa hattotlik san’ati vujudga kelgan. Kitoblar ko’plab kishilar mehnatining natijasi bo’lgan. Xususan, kimdir husnixat asosida matn ko’chirgan, yana kimdir bosh harflarga jimjimador suratlar solgan. Uchinchi birov kitobga naqsh ishlasa, to’rtinchisi miniaturalar chizgan. Odamlar asosan diniy kitoblarni, jumladan, "Avliyolar hayoti" kitobini o’qiganlar. Unda monaxlarning qahramonliklari va ko’r­satgan mo’jizalari bayon etilgan. Shu tariqa cherkov diniy kitoblar orqali qavmlarni avliyolarga taqlid qilishga chaqirgan. Monastirlarda yilnomalar yozib berilgan. Ular o’ziga xos tarixiy manba vazifasini o’tagan.
IV.O`tilgan mavzuni mustahkamlash
Darslikdan mavzu oxiridagi savollarga javob berish.
Atamalar va ular izohini, sanalar va shaxs nomlarini daftarga yozib olish.