9-mavzu. Xalqaro nashrlar uchun ilmiy maqolalar tayyorlash va nashr ettirish Tayanch tushunchalar

Tadqiqot natijalarini nashrga tayyorlashning asosiy bosqichlari va talablari
1. Tadqiqotning metodologik maqsadi. Ushbu bosqichda tadqiqot gipotezasi, uni o‘tkazishning mantiqiy ketma-ketligi, asosiy boshqichlari va kutilayotgan natijalar aniqlanadi.
2. Tadqiqotni o‘tkazish bosqichi. Ilmiy tadqiqot o‘tkazish jarayonining har bir bosqichi ilmiy nashrlar va ilmiy maqolalar shaklida professional jamoaga taqdim etilgan natijalar bilan yakunlanishi lozim.
3. Tadqiqot natijalarini nashrga tayyorlash. Tadqiqot natijalarini nashrga tayyorlash bosqichi tadqiqotning har bir bosqichi ilmiy natijalarni hujjatlashtirish bilan chambarchas bog‘liqdir. Bu bosqichda tadqiqot natijalarini talqin qilish usullari hamda ilmiy nashr turini aniqlash (original ilmiy maqola, maqolani ko‘rib chiqish, qisqa xabarlar va h.k.) borasida aniq tushunchaga ega bo‘lish muhimdir.
4. Ilmiy jurnalni tanlash. Ilmiy jurnal sifatida tadqiqotchi o‘zi doim kuzatib yuradigan o‘z sohasiga yaqin, dunyo olimlari tomonidan tan olingan jurnallarni tanlashi lozim. Agar tadqiqotchi ushbu jurnalni kuzatib yurgan bo‘lsa, albatta bu jurnal tomonidan qo‘yilgan talablar, o‘z sohasiga yaqin bo‘lgan ilmiy maqolalar ularni muallilari haqida ma’lumotga ega va u o‘sha maqolalarga iqtiboslar keltirish imkoniyatiga ega.
5. Jurnalning talablariga ko‘ra ilmiy maqola tayyorlash. Har bir jurnal "Mualliflar uchun ko‘rsatmalar"da qo‘lyozmalar uchun qo‘yiladigan talablarni keltirib o‘tgan. Ushbu ko‘rsatmada barcha talablar majburiy hisoblanadi. Jurnal talablariga javob bermaydigan qo‘lyozmalar mualliflarga ko‘rib chiqilmasdan qaytariladi.
Elsevier nashriyoti (tizimi) jurnallarida qo‘yilgan talablar:
- original ilmiy maqola (Full Article) – yakunlangan ilmiy tadqiqotlar uchun standart format 8-10 bet (1,5 interval, kompyuterda 18-20 sahifa), 5-8 ta rasm, 25-40 ta havolalar (ssilka);
- qisqa xabarli maqola (Short Communications Article) – 2500 dan ortiq bo‘lmagan so‘zlar, ko‘pi bilan 2 ta rasm yoki jadvallar; kamida 8 ta havolalar;
- qisqa mazmunli maqola (Review Paper/Perspectives) – tadqiqot mavzusi bo‘yicha tanqidiy ma’lumotlar; 10 yoki undan ortiq sahifa, 5 yoki undan ortiq rasm, 8-10 ta havola.