9-mavzu. Xalqaro nashrlar uchun ilmiy maqolalar tayyorlash va nashr ettirish Tayanch tushunchalar

Tahliliy ma’lumot bazalariga kirish O‘zbekiston uchun nima beradi?
1. Tadqiqotchilarga eng ko‘p murojaat etiladigan dunyo ilmiy hamjamiyatida talab qilinadigan sifatli ishlarni tanlab olishga yordam beradi;
2. Davlat ilmiy va ilmiy-texnik dasturlarida tadqiqotlarni rivojlantirish strategiyasini aniqlashda Jahon ilmiy yutuqlariga muvofiq navigatsiya qilishga xizmat qiladi;
3. OAK va ixtisoslik kengashlariga ilmiy darajalar olish uchun chop etilishi lozim bo‘lgan yuqori reytingli ilmiy jurnallar ro‘yxatini shakllantirishga yordam beradi;
4. Ilmiy tadqiqotlarni samaradorligi, milliy va xalqaro natijalar monitoringi bo‘yicha tizimni tuzishga xizmat qiladi;
5. Ilmiy tadqiqot tashkilotlari va universitetlar, ilmiy jurnallar, respublikadagi olimlarning ish samaradorligini obyektiv baholashga imkon beradi;
6. Yuqori reytingli ilmiy jurnallarda ilmiy ishlar chop etilishini rag‘batlantiradi.
7. Tadqiqotchiga «bajarilgan ishlar»ni tahlil qilishga, o‘zining sohasidagi perspektiv fan yo‘nalishlari, ishlanmalari haqida ma’lumot olishga imkon beradi;
8. O‘z yo‘nalishiga mos tadqiqotlar bo‘yicha eng nufuzli xorijlik hamkorlar, tadqiqotlarga homiy tashkilotlarni topishga yordam beradi.
Xalqaro nashrlar uchun ilmiy maqolalar tayyorlash tartibi

Ilmiy nashrlar ilmiy tadqiqotlarning ajralmas qismi bo‘lib, tadqiqotning oraliq yoki yakuniy ilmiy natijalaridan iborat.

Bugungi kunda ilmiy nashrlar chop ettirish va uni xalqaro axborot bazalariga joylashtirish ikki tomonlama rol o‘ynaydi:
- mualliflarning asl ilmiy tadqiqotlari natijalari haqidagi axborotni nashr qilish va tez tarqatishning tezkor usuli;
- bibliometrik tadqiqotlar hamda mualliflar, mintaqa va umuman respublika vakillarining fan rivoji va ilmiy jarayonda qo‘lga kiritgan yutuqlardan xabardor bo‘lish.
Ilmiy maqola shaklida chop etilgan maqola quyidagi hollarda barchada qiziqish uyg‘otishi, sitatalar yig‘ishi hamda maqbul kelishi mumkin:
- maqolada yangi, original natijalar yoki tadqiqot usullari taqdim etilsa;
- nashr qilingan natijalar ratsionalizatsiya qilinsa (aniqlashtirilsa yoki boshqacha talqin qilinsa);
- tadqiqot sohasining mazmuni yoki muayyan tadqiqot mavzusini natijasi keltirilsa;
- ma'lum bir aniq sohadagi bilimlar kengaytirilsa (lekin takrorlanmagan holda(!)).
Agar maqolada ilmiy natijaga ega bo‘lmagan hisobot berilsa, eskirgan ma'lumotlarni o‘z ichiga olsa, oldin nashr etilgan ishlar takrorlansa yoki foydasiz, qo‘llanilmaydigan xulosalar keltirilsa bunday maqolalar ilmiy maqola siatida qabul qilinmaydi.