8-umumiy oʻrta ta’lim maktabida 2020-2021 oʻquv yilining 1-yarim yilligida ma’naviy-ma’rifiy yoʻnalishda amalga oshirilgan ishlar

AXBOROTI

5-sentabr kuni yangi 2020-2021-o‘quv yilining boshlanishi munosabati bilan ota-onalar yig‘ilishi o‘tkazildi. Yig‘ilishda maktab direktori O.Nazarov, ma’naviy-ma’rifiy ishlar bo‘yicha direktor o‘rinbosari B.Babanov, o‘quv tarbiya ishlar bo‘yicha direktor o‘rinbosari V.Tojiqulovlar tomonidan ota-onalarga Xalq ta’limi tizimidagi islohotlar va yangiliklar, o‘quvchilarning darsga kelishi, davomati, bo‘sh vaqtlarini mazmunli tashkil etish, ular tomonidan sodir etilishi mumkin bo‘lgan salbiy holatlarni oldini olish, bu borada ota-onalarning javobgarligi va ma’suliyati, shuningdek, pandemiya sharoitida oʻquvchilar va ota-onalar tomonidan amalga oshiriladigan ishlar haqida ma’lumotlar hamda tavsiyalar berildi.




24-sentabr kuni oʻqituvchi va oʻquvchilarning odob-axloq qoidalariga qatʼiy rioya etishlarini taʼminlash maqsadida ular oʻrtasida yigʻilish oʻtkazildi. Yigʻilishda maktab direktori O.Nazarov, ma’naviy-ma’rifiy ishlar boʻyicha direktor oʻrinbosari B.Babanov, oʻquv-tarbiya ishlari boʻyicha direktor oʻrinbosari V.Tojiqulov, Yoshlar yetakchisi Sh.Egamberdiyev, amaliyotchi psixolog J.Murodqulov, kutubxonachi N.Nazarova, 18 nafar pedagog-xodimlar hamda 28 nafar 9-11-sinf oʻquvchilari ishtirok etdi.

Ma’naviy-ma’rifiy ishlar boʻyicha direktor oʻrinbosari B.Babanov tomonidan O‘zbekiston Respublikasi Xalq ta’limi vazirining 2020-yil 28-maydagi “Umumiy oʻrta ta’lim muassasasining ichki tartib va odob-axloq qoidalarini tasdiqlash toʻgʻrisida”gi 131-sonli buyrugʻi oʻqib eshittirildi.

Har kuni yoshlarni jismoniy chiniqtirish, ularning sport sohasida qobiliyatlarini namoyon qilishlari uchun zarur sharoitlar yaratish, shuningdek, O'zbeksiton Respublikasi Prezidentining 2020-yil 30-oktabrdagi "Sog'lom turmush tarzini keng tadbiq etish va ommaviy sportni yanada rivojlantirish chora tadbirlari tog'risida"gi PF-6099 sonli Farmoni ijrosini ta'minlash maqsadida ertalabki badantarbiya mashg‘ulotlari o‘tkazildi.