8-umumiy oʻrta ta’lim maktabida 2020-2021 oʻquv yilining 1-yarim yilligida ma’naviy-ma’rifiy yoʻnalishda amalga oshirilgan ishlar

Har chorshanba kuni “Chorshanba - yongʻinlar profilaktikasi kuni” munosabati bilan, xususan, O‘zbekiston Respublikasi Prezidentining 2017-yil 13-maydagi “Ichki ishlar organlarining yong‘in xavfsizligi bo‘linmalari faoliyatini tubdan takomillashtirish to‘g‘risida”gi PQ-2992-sonli Qarori ijrosini ta’minlash maqsadida oʻquvchi-yoshlar oʻrtasida davra suhbatlari, yongʻinlarni oldini olish boʻyicha targʻibot-tashviqot tadbirlari oʻtkazildi.


Har juma kuni “Juma – yoʻl harakati xavfsizligi targʻiboti kuni” munosabati bilan yoʻllarda harakatlanish qoidalarining buzilishini oldini olish, yoʻl harakati qoidalariga amal qilinishi boʻyicha davra suhbati va targʻibot tadbirlari oʻtkazildi. Oʻtkazilgan tadbirlarda Yangiobod tumani IIB YHXG katta inspektori B.Saparov tomonidan yoʻl harakati qoidalariga amal qilinishi boʻyicha tushunchalar berildi.


20-oktabr kuni 21-oktabr - “Oʻzbek tili bayrami kuni” munosabati bilan “Olam uzra jaranglayver, jon ona tilim!” mavzusida onlayn tadbiri oʻtkazildi. Yangiobod tumani xalq ta’limi boʻlimi tomonidan oʻtkazilgan “Eng yaxshi tadbir” onlayn koʻrik-tanlovi uchun videorolik tayyorlandi.



18-noyabr kuni “O‘zbekiston Respublikasi Davlat Bayrog‘i qabul qilinganligining 29 yilligi” ga bag‘ishlab “Davlat bayrogʻi – Vatan timsoli!” shiori ostida bayram tadbiri o‘tkazildi. Tadbir davomida ma’naviy-ma’rifiy ishlar boʻyicha direktor oʻrinbosari B.Babanovning ma’ruzasi tinglandi. O‘quvchilar tomonidan O‘zbekiston Respublikasi Davlat Bayrog‘iga ta’rif berildi. Bayroqqa bag‘ishlangan she’r va qo‘shiqlar kuylandi.