8-sinfda Alisher Navoiyning «Kelmadi» radifli g‘azalini o‘ganish. Umumiy o‘rta ta’lim maktablarining 8-sinf «Adabiyot»

«G‘azalxon» guruhi:
Ko‘zlaringdin necha su(v) kelgay deb o‘lturmang meni -
Kim bori qon erdi kelgan, bu kecha su(v) kelmadi.


«Tadqiqotchi» guruhi: «Ko‘zlaringdan nega tinimsiz suv kelyapti?» - deb so‘rab o‘tirmang, yor ishqida yig‘layverib ko‘z yoshlarim qonga aylandi. Bu kecha ko‘zlarimdan suv kelmadi. Oshiqning ortiq majoli qolmadi. Lekin u Allohning jamolidan umidvor. Uning barcha sinovlariga bardosh qiladi.


«Tilshunos» guruhi: Qofiya so‘zi: suv (o‘zbekcha). Zid ma’noli so‘zlar: qon-suv (o‘zbekcha).
«G‘azalxon» guruhi:
Tolibi sodiq topilmas, yo‘qsa kim qo‘ydi qadam,
Yo‘lg‘akim, avvalqadam ma’shuqe o‘tru kelmadi.


«Tadqiqotchi» guruhi: Lirik qahramon ushbu «begona» baytda o‘ziga dunyoviy do‘st - «tolibi sodiq» topilmasligidan shikoyat qiladi. Shunday bo‘lmasa edi, kimki yo‘lga qadam qo‘ysa, undan oldinroqda yuradigan «avvalqadam ma’shuqa» ro‘baro‘ kelmasmidi?! Uning, qo‘lidan yetaklamasmidi?! O‘zi tanho, ojiz qoldi-ku.


«Tilshunos» guruhi: Qofiya so‘z: o‘tru - (o‘zbekcha) yuzma-yuz, ro‘baro‘. Tolib - (arabcha) talabgor. Sodiq - (arabcha) sadoqatli. Avvalqadam - (arabcha) oldin odimlash, oldinda yurish (qo‘shma so‘z).


«G‘azalxon» guruhi:
Ey Navoiy, boda birla xurram et ko‘nglung uyin,
Ne uchunkim, boda kelgan иуда qayg‘u kelmadi.


«Tadqiqotchi» guruhi: Maqtada shoir da’vatga o‘tadi. Barchani «boda» ya’ni Alloh ishqi va u haqi­dagi bilimlar bilan ko‘ngillarini «xurram» qilishlikka chaqiradi. Negaki kimning qalbida Allohga muhabbat kuchli bo‘lsa, qayg‘u undan yiroq bo‘ladi. U ma’naviy barkamollikka, ruhiy komillikka yuz tutadi. Ma’naviyat yuksalgan joyda jaholat, razolat, qabohat bo‘lmaydi.
Navoiyning ushbu umumbashariy, umummilliy g‘oyalari asrdan-asrga, avloddan-avlodga o‘tib, sayqal topib, yorqin nur sochaveradi. Yurtboshimiz I.A.Karimovning «Olloh bizning qalbimizda, yuragimizda» degan so‘zlari buyuk mutafakkirning mana shu so‘zlariga hamohangday.