8-mavzu. Majlis bayoni, shartnoma, tavsifnoma, tavsiya­noma reja

Bayonnoma kirish va uch asosiy qismdan tuziladi. Kirish qismida yigʻilish oʻtkazilgan tashkilot nomi, bayonnoma sanasi, tartib raqami, yigʻilish joyi, rais va kotibning ismi, familiyasi, qatnashuvchilarning roʻyxati va soni (15 kishidan oshmasa, ismi va familiyasi, lavozimi, ish joyi koʻrsatiladi) keltiriladi.
Soʻngra KUN TARTIBI bosh harflar bilan yozilib, ikki nuqta qoʻyiladi va koʻriladigan masalalar tartib raqami bilan beriladi.
Asosiy matndagi uch qism: ESHITILDI, SOʻZGA CHIQDILAR, QAROR QILINDI soʻzlari ham katta harflar bilan yozilgan, ikki nuqta qoʻyiladi va yangi satrdan ma’ruzachining ismi-familiyasi yoziladi.
Har bir tashkilot yoki muassasada, ularning boʻlim va tarmoqlarida yigʻilishlar muntazam ravishda boʻlib turganligi uchun ular tartib raqami bilan rasmiylashtiriladi.
Zaruriyat yuzasidan majlis bayonnomasidan koʻchirmalar berilishi ham mumkin. Koʻchirma mazmuni ham aynan bayonnomaning oʻzi boʻladi. Farqi shundaki, Bayonnoma soʻzi oʻrniga Bayonnomadan koʻchirma yoziladi. Qaysi masala boʻyicha koʻchirma olish lozim boʻlsa, faqat oʻsha qism olinadi va oxirida koʻchirmaning asliga toʻgʻri ekanligini tasdiqlovchining ismi, otasining ismi, familiyasi yozilib, uning tomonidan imzolanadi.