8-mavzu. Majlis bayoni, shartnoma, tavsifnoma, tavsiya­noma reja

8-mavzu. MAJLIS BAYONI, SHARTNOMA, TAVSIFNOMA, TAVSIYA­NOMA


Reja:
1. Majlis bayoni.
2. Shartnoma.
2.Tavsifnoma, tavsiyanoma. Ularning yozilish uslubi, oʻziga xos xususiyatlari.


BAYONNOMA (majlis bayoni). Majlis bayoni - bayonnomalarni rasmiylashtirish ham barcha rasmiy idoralar hayotidagi ish yuritishning muhim qismlaridan hisoblanadi. Chunki turli tashkilot va muassasalar jamoalari faoliyatiga oid koʻplab masalalar yigʻilishlarda, demokratik yoʻl bilan hal boʻladi va ularni hal qilishga oid qabul qilingan qarorlar hayotga tatbiq etilishi uchun belgilangan tartibda rasmiylashtiriladi. Ana shu rasmiylashtirilgan hujjat bayonnoma sanaladi.
Bayonnomada turli yigʻilishlardagi chiqishlar va qarorlar gʻoyatda siqiq va rasmiy tilda yozilgan hujjatdir. Shu hujjat asosida jamoaning faoliyati olib boriladi va nazorat qilinadi.
Bayonnomada uni rasmiylashtirayotgan tashkilot va muassasaning nomi, Bayonnoma degan soʻz, yigʻilish raqami, sanasi va joyi, qatnashuvchilar, kun tartibi, uning muhokamasi tafsiloti (asosiy ma’ruzachi va soʻzga chiquvchilar), qabul qilingan qarorlar, majlisga raislik va kotiblik qilganlarning imzosi oʻz aksini topgan boʻlishi lozim. Agar zarur boʻlsa, uning oxirida ilova ham berilishi mumkin.
Yigʻilish va boshqa shu turdagi anjumanlarning borishini, unda qatnashchilar bildirgan fikr va qabul qilingan qarorlarni aniq, ixcham qayd tuvchi rasmiy hujjat bayonnomadir.
Yigʻilishda koʻrib chiqilgan masalalar yuzasidan bildirilgan barcha fikr-mulohazalar, tanqid va takliflar bayonnomada yoritilishi lozim. Bu axborotlarning aniqligi, toʻliqligi uchun mas’ul hisoblangan majlis raisim va kotibi bayonnoma oxiriga imzo qoʻyadilar.
Bayonnomalar qisqa, toʻliq, stenografiq fonografik shakllarda boʻladi.
Qisqa bayonnomada yigʻilishning kun tartibi, ma’ruzachi va muhokamalarda qatnashuvchilarning ismi, familiyasi hamda qabul qilingan qarorlar koʻrsatiladi.
Toʻliq bayonnomada esa majlisda soʻzga chiqqanlarning barcha fikr-mulohazalri toʻliq berilishi lozim.