8-mavzu innovatsiyalarning sohalar bo`yicha turlari reja

2. Innovatsion marketingni o‘ziga xos jihatlari.
Xizmat ko‘rsatishda esa “innovatsion marketing”, ayirboshlash natijasida yangiliklarga bo‘lgan ehtiyojni qondirish orqali foyda olishga yo‘naltirilgan inson faoliyati majmui hisoblanadi. Bu faoliyat yangiliklarga ehtiyojni aniqlashdan tortib yangi innovatsion xizmatlarni yaratish, bozorga kirib borish, xizmatlarning hayotiylik davri, amaliyotda qo‘llash, innovatsion xizmatlarni sotib olish uchun xaridorlarni qiziqishini orttirish, yangiliklarga bo‘lgan talabni va ularni yaratilish istiqbollarini aniqlash kabi vazifalarni o‘z ichiga oladi. Xizmat ko‘rsatish innovatsiyasi va xizmatlar innovatsiyasi ilm-fan va amaliyotga etarli darajada qo‘llanilmagan keng tushunchali atamadir.
Innovatsion mahsulotdan innovatsion xizmatning farqli belgilaridan beri, innovatsion xizmat yangilik bozordagi muvaffaqiyati tegishli texnik bilimlarni amalga oshirish jarayonini kamroq talab qiladi. Innovatsion xizmatni tijoratlashtirishda texnikaga nisbatan ko‘proq iqtisodiy va ijtimoiy sohadagi jarayonlarni qamrab oladi.
Yuqoridagi ko‘rib o‘tilgan olim va mutaxassislarning innovatsion marketinga bergan ta’rif va tavsiflarini tahlil qilar ekanmiz, ular tomonidan asosan innovatsion mahsulotni bozorga siljitish bilan bog‘liq marketing faoliyati nuqtai nazaridan yondashilganligini guvohi bo‘lamiz. Lekin, ularni fikricha biz, marketingni iqtisodiy faoliyat sifatida o‘zini olib ko‘radigan bo‘lsak, unda qo‘llaniladigan yangi vosita va usullar ham innovatsion faoliyat bo‘lib yuzaga chiqadi. Bundan kelib chiqib, innovatsion marketingga quyidagicha mualliflik tarifini keltirishni lozim topdik.
Innovatsion marketingga, yangi tovarlarni izlash, mahsulotlarni yaratish va amaldagi mahsulotni takomillashtirib borish hamda innovatsion texnologiyalar yordamida tijoratlashtirishga yo‘naltirilgan faoliyat deb ta’rif berishimiz mumkin.
Demak, innovatsion marketingga berilgan ta’rifdan kelib chiqib mahsulotni siljitishda marketingning u yoki bu vositasidan foydalanishimiz mumkin (16.1-rasm).