8-Ma’ruza mashg’uloti. Mavzu: Elektron jadval muharrirlari. Excel dasturi. Reja

8-Ma’ruza mashg’uloti.
Mavzu: Elektron jadval muharrirlari. Excel dasturi.
Reja:
1. Matnli hujjat muharrirlari vazifasi va imkoniyatlari.
2. Matnli hujjatlarni yaratish va tahrirlash.
3. Elektron jadval muharrirlarining vazifasi va imkoniyatlari.
4. Asosiy tushunchalar. Ma’lumotlar turlari va formatlari.
5. Elektron jadvallarda grafik ob’yektlardan foydalanish.
6. Funksiyalar va formulalar.


Tayanch tushuncha va iboralar: matn muharriri, matn protsessori, matnlarni kiritish, matnlarni tahrirlash, jadval tashkil qilish, xotiraga yozish, xotiradan chaqirish, chop etish. Elektron jadval. Elektron jadval muharrirlari. Ma’lumotlar turlari. Ma’lumotlar formatlari. Funksiyalar. Formulalar. Diagramma.

Qog`ozda chop etiladigan ko`pgina hujjatlar matnli ko`rinishda bo`ladi, ya’ni harf, raqam, belgilar va hokazolardan tashkil topgan matn qism(blok)lari ko`rinishida ifodalanadi.

Kompyuterlarda matnli hujjatlarni tayyorlashda asosan uch guruh amallardan foydalaniladi: kiritish, muharrirlik qilish, formatlash.
Kiritish amali - berilgan matnning tashqi shaklini elektron ko`rinishga o`tkazish, ya’ni kompyuter xotirasida saqlanadigan faylda ifodalashdir.
Matnlarni kiritish faqat tugmachaxona yordamida bo`lmasdan, balki skanerlash yo`li bilan matnni kiritish, tasvirlarni aniqlash dasturlari yordamida hujjatlarni grafikli tasvir ko`rinishidan matnli ko`rinishga o`tkazishlardan iborat bo`ladi.
Muharrirlik qilish (to`g`rilash) amali - mavjud elektron hujjat ko`rinishida ba’zi qo`shish va yo`qotish yo`llari bilan o`zgartirishlar hosil qilish, hujjat qismlarining o`rnini almashtirish, bir necha fayllarni bitta faylga keltirish va aksincha bitta hujjatni bir nechta mayda hujjatlarga bo`lish ishlaridan iboratdir. Matnlar ustida ishlashda kiritish va muharrirlik qilish ko`pincha parallel ravishda bajariladi. Kiritish va muharrirlik qilishda matnli hujjat tarkibi shakllantiriladi.
Formatlash amallari yordamida hujjatlarni shakllantirish amalga oshiriladi. Uning buyruqlari matnni monitor ekranida yoki qogozda qanday ko`rinishda ifodalanishini to`liq aniqlaydi.