8-laboratoriya ishi

Oqimli usul. Kajavali va laboratoriya stakani yordamidagi usullardan foydalanishdagi kamchiliklar izlanuvchilarni oqimli usulni ishlab chiqishga yo‘naltirdi, bunda ular aralashishdagi aylanishni takomillashtirishga harakat qilishdi. Ushbu usulda qo‘llaniladigan erituvchining ko‘p hajmi in vivo holatida bo‘lmaydi. Bu ta’sirlar standartlashtirishga tushmaydi. Bundan tashqari stakanli usullarning barchasida dori moddasining konsentratsiyasi konsentratsiyaning 0 dan eng yuqori darajasigacha ko‘tariladi. Ushbu konsentratsiyaning ko‘tarilishi in vivo konsentratsiyasining ko‘tarilishiga to‘g‘ri kelmaydi, chunki in vivo usulida eritilgan va absorbirlangan moddalar absorbsiya joyidan chiqariladi.
Oqimli usulda xom ashyo vertikal holatdagi kolbaga solinadi va erituvchi suzgichdan o‘tkaziladi. Suzgich orqali o‘tish natijasida laminar oqim vujudga keladi. Ma’lum balandlikda erigan qismlar o‘tmasligini ta’minlovchi suzgich bilan berkitiladi. U bilan filtrlangan suyuqlik erigan dori moddaning analitik aniqlashiga qodir. Erituvchi qurilmada tortib olish orqali harakatlanadi. Issiqlikni almashtirib beruvchi qurilma orqali o‘tganida erituvchi belgilanagn harakatgacha qiziydi. Erituvchi oqimini takomillashtirish orqali erigan dorining biologik membrana orqali o‘tishini imitatsiya qilish mumkin. Shu turdagi boshqa qurilmalarda aralashtirish perestaltik nasos yordamidagi suyuqlik oqimi bilan ta’minlanadi. Vujudga kelgan oqim bir tomonga yo‘naltirilgan impulslar bo‘lib, suyuqlik eritmasini aralashtirmasdan namuna oldidan kolbaga o‘tadi. Kolba ajratuvchi varonka shaklida bo‘lib, bu aralashtirish chegarasining masofasi uzayganida oqim tezligi pasayadi.
Suyuqlik tekis gorizontal tekislikka uzatiladi va kolbada hech qanday o‘lik nuqtalar vujudga kelmaydi.
Oqimli usullarni ishlab chiqishda vertikal kolbadan tashqari gorizontal joylashgan kolabadan ham foydalaniladi.

Aytish mumkinki, barcha oqar usullarda ko‘p o‘xshashliklar mavjud. Qurilmalar rezervuar, nasos, issiqlik almashtirib beruvchi qurilma, kolba, tabletka uchun dasta, eritilgan moddani aniqlash uchun filtrlash tizimi kabi bir xil qismlardan iborat.

Erituvchi rezervuarda saqlanadi yoki tizimda aylanadi yoki undan o‘tadi.
Erituvchi harakati nasos orqali amalga oshiriladi.
Qoida tariqasida, silindrik kolba bo‘lib, u vertikal yoki gorizontal joylashadi. Gorizontal joylashgan kolba o‘zini oqlamagan. Bo‘yoq moddali tabletkalar tajriba qilinganida gorizontal kolbada eritma cho‘kmaga tushib qolishi, tepa qismiga esa erituvchi chiqib qolishi aniqlangan.