8-laboratoriya ishi lokal tarmoqda ma’lumot almashish Ishdan maqsad

8-LABORATORIYA ISHI


8. Lokal tarmoqda ma’lumot almashish
Ishdan maqsad: Talabalarni kompyuter tarmoqlaridan foydalanishni, tarmoq turlari, tarmoq topologiyasi haqida ma’lumotga ega bo‘ladilar, lokal tarmoqni tashkil qilish ketma – ketligini o‘rganish.
Nazariy qism
Kompyuterlarni tarmoqqa ulash
Aytaylik, kompyuterlarni lokal tarmoqqa birlashtirish zaruriyati tug‘ildi. Bu jarayonni amalga oshirish uchun sizda quyidagi texnika vositalarini bo‘lishi zarurdir.

1. 
   Tarmoq adapteri o‘rnatilgan kompyuter (uning o‘zi Ethernet-adapter). Hozirgi kunda deyarli barcha kompyuterlar (ona platalar) kiritilgan tarmoq adapteri bilan ta’minlangan, agar bo‘lmasa – sotib oling va o‘rnating;
   
2. 
   Kabel. Juftli o‘ramli (uning o‘zi UTP) .
   
3. 
   RJ-45 konnektorlari;
   
4. 
   Mana shu RJ-45 konnektorlarini ulash uchun asbob kerak bo‘ladi.
   

91-rasm.Tarmoqning texnik vositalari.
Konnektorlarni ulash harakatlari tartibi:

1. 
   Kabel uchini tekis qilib kesib oling, bu ishni asbobga kiritilgan pichoq bilan bajarish yaxshi bo‘ladi.
   
2. 
   Kabel izolyatsiyasini olib tashlang. Juftli o‘ramini izolyatsiyasini tozalash uchun maxsus pichoqdan foydalanish mumkin, pichoqning o‘tkir tig‘i izolyatsiya qalinligida chiqib turadi, shuning uchun simga zarar yetkazmaydi. Agar maxsus pichoq bo‘lmasa, oddiy pichoqdan yoki qaychidan foydalanish mumkin.
   

92-rasm. Tarmoq kabellarini kesish vositasi.
Juftli o‘ramini izolyatsiyasini tozalash uchun pichoq. Simlar o‘ramini yeching va ajrating, ularni bir qator qilib tekislang, ularning ranglari ketma-ketligiga amal qiling.

3. 
   Simlarni bir santimetrdan ozgina uzunroq qilib kesing.
   
4. 
   Simlarni RJ-45 raz’yomiga qo‘ying.
   
5. 
   Simlarni to‘g‘ri joylashtirganligingizni tekshiring.
   
6. 
   Simlar raz’yomga to‘la kirganligini va uning old devoriga tiralganligiga ishonch hosil qiling.
   
7. 
   Juftlik sim o‘rnatilgan konnektorni qisqichga joylashtiring, so‘ng tekis, ammo qattiq kuch bilan siqing.