6-bap. Rawajlandırıwshı ortalıqtı shólkemlestiriw.
Mektepke shekemgibilimlendiriw mekemesinde rawajlandırıwshı ortalıqtı shólkemlestiriwde balalardıń ózine say belgilerge iye bolģan jasqa baylanıslı ózgeshelikleri hám talapların esapqa alıw úlken áhmiyetke iye bolıp esaplanadı.
Rawajlandırıwshı ortalıqtıń mazmunı:
Mektepke shekemgi bilimlendiriw mekemesiniń kórgizbeli rawajlandırıwshı ortalıģınıń mazmunı, mádeniy tarıxıy qádiriyatlar: milliy hám aymaqlıq dástúrler; tábiyat, ıqlımnan kelip shıģıwshı ózgesheliklerge mass bolıwı kerek.
Ortalıqtıń mazmunı birinshi kóz-qaraslardıń tiykarında qáliplestiriw, balanıń jetiskenligi, sociallıq maslasıwına járdem beriwi kerek boladı.
7- bap. Mámleket oqiw baģdarlamasina qosimshalar
Tálim baģdarlaması – MShBSh mámleket oqıw baģdarmasına tiykarlanıp belgili jas toparında shólkemlestiriletuģın tálim protsessin ámelge asırıwģa xızmet etiwshi zárur hújjet bolıp, ol qoyıģan maqsetlerge erisiwdi támiyinlewi lazım.
Baģdarlama – zárur qural bolıp, onıń járdeminde tárbiyashılar Ózbekistan Respublikasınıń erte hám mektepke shekemgi jastaģı balalar rawjlanıwına qoyılatuģın mámleket talaplarına muwapıq belgili jas toparındaģı balalar ushın eń qolayılı hám nátiyjeli formalar, metodlar hám tálim protsesin shólkemlestiriw jolların belgileydi.
Baģdarlama májburiy bólimi hám tálim protsessi qatnasıwshıları tárepinen qáliplestiriletuģın bólimnen ibarat. Hár eki bolim erte hám mektepke shekemgi jastaģı balalar rawjlanıwına qoyılatuģın mámleket talapların ámelge asırıw kóz-qarasınan óz-ara bir-birin toltırıwshı hámde zárur esaplanadı.
Baģdarlamanıń májburiy bólimi barlıq bes tálim tarawı: fizikalıq rawajlanıw hám salamat turmıs táriziniń qáliplesiwi; sociallıq-sezimlik rawajlanıw; sóylew, sozımlı, oqıw hám jazıw kónlikpeleri; biliw processiniń rawajlanıwı; dóretiwshilik rawajlanıw ámelge asırıwga kompleks jantasıwdı kózde tutadı.
Baģdarlama tárbiyashı (qániyge) erte hám mektepke shekemgi jastaģı balalar rawjlanıwına qoyılatuģın mámleket talapları tiykarında balalar rawjlanıwınıń belgili sharayatları, mútájlikleri hám ózgesheliklerin esapqa alģan jaģdayda tálimniń jeke pedagogikalıq modelin qanday jaratıp atırģanın kórsetip beriwi lazım.
Baģdarlama úsh tiykarģı bólimdi qamtıp aladı:
maqsetli – bul túsindiriw xatı hámde baģdarlama ózlestiriliwiniń rejelestirip atırģan nátiyjelerin óz ishine alatuģın bólim;
mazmunlı – bul baģdarlamanıń ulıwma mazmunın sáwlelendiriwshi hám balalardıń tolıq rawajlanıwın támiyinlewshi bólim;
shólkemlestiriwshi– bul baģdarlamanıń materiallıq-texnikalıq támiyinleniwi táriypin, tálim hám tárbiyanıń metodikalıq materiallar hám qurallar menen támiyinlengenligi, kún tártibin, sonday-aq, is-ilajlar, bayramlar, rawjlandırıwshı ortalıqtı óz ishine alıwshı bólim.
Baģdarlama MShBMnıń pedagogikalıq keńesinde dodalanadı hám baslıq buyrıģı menen tastıyıqlanadı.
Do'stlaringiz bilan baham: |