7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti

Jıllıq temaģa reje:
Jıllıq temanı rejelestiriwde hár birj as toparı ushın aylıq temaları hám háptelik temaları óz kórinisin tabadı. Mektepke shekemgi bilimlendiriw mekemesiniń maydanı yaki basqa da ózgesheliklerin esapqa alģan halda óziniń jıllıq tematikalıq rejesin dúziwge haqlı bolıp tabıladı. Bunday tematikalıq reje mektepke shekemgi bilimlendiriw mekemesiniń pedagogikalıq keńesinde tastıyıqlanadı.
Háptelik reje.
Háptelik reje jıllıq tematikalıq rejege tiykarlanadı hám hápteniń kishi temaları, sonday-aq, usı tema boyınsha ótkeriletuģın bayram keshelerin óz ishine aladı.
Háptelik reje boyınsha rawajlanıw tarawları boyınsha maqsetlerin belgilew, tiyisli oraylardı tayarlaw, shınıģıwlardı hápte temasına mass xalında bólistiriwge baģdarlanģan. Háptelik tema boyınsha erkin xızmet kórsetiw orayları arqalı ótiw kerek boladı. Háptelik rejede topardaģı hám seyil waqtındaģı didaktikalıq hám háreketli oyınlar rejelestiriledi. Balalar menen alıp barılatuģın jumıstıń mazmunı hám izbe-izligi jumıs túri (belsene xızmet/passiv xızmet; individual xızmet/kishi toparda, úlken toparda; tárbiyashınıń basshılıģı astında ótiletuģın xızmet túri/balanıń basshlıģı astında ótiletuģın jumıs túri) hám onı ótkeriw ornı (bólme ishindegi xızmet/kóshedegi xızmet)ın esapqa alģan halda rejelestiriw kerek boladı.
Háptelik reje hár túrli hám baslasıwshań bolıwı tiyis. Basqasha aytqanda, hawa-rayınıń ózgeriwi hám balanıń qızıģıwshılıģın esapqa alģan halda rejelestirilip atırģan xızmettiń basqasına almastırılıwı yamasa turaqlı waqıttıń biraz kóbirek yamasa azıraq waqıtqa mólsherleniwi múmkin. Máselen, eger tárbiyashı báhárde gúllengen baģqa barıwdı rejelestirgen bolsa, biraq hawa-rayı jamqırlı bolsa, onda ol rejeni bólmede ámelge asırıw imkaniyatı bolģan basqa jumıs túrine almastırıw múmkin boladı.
Háptelik reje-bul tárbiyashınıń jumıs jurnalı hám shınıģıwlar islenbesinen ibarat.
Tárbiyashınıń jumıs jurnalı tómendegi bólimlerden quraladı:
-titul qaģaz;
-topardıń oqıw jılı hám jazģı máwsimdegi kún tártibi;
-azańģı dene shınıqtırıw kompleksi;
-toparda sentyabrden avgustqa shekem bolģan oqıtıw processin rejelestiriw quramı, azańģı sáwbetlesiw, seyil, kúnniń ekinshi yarımı, ata-analar menen sáwbetlesiw kiredi;
-háptelik jumıstıń analizi;
-qosımshalar.
Shınıģıw islenbsinde maqsetler. Processtiń qısqasha táriypi, zárúr buyımlar kórsetiledi. Bul islenbeler usınıs xarakterine iye hám tárbiyashı tárepinen dóretiwsheńlik penen ózgertiriliwi múmkin.