7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti

1.2. MShBSh nıń maqseti hám wazıypaları.
-balanıń individual talapların esapqa alģan halda dáslepki mektepke shekemgi jastaģı balalardı rawajlandırıwģa qoyılģan Mámleket talapları negizinde hám de MShBSh mámleketlik oqıw dástúrine muwapıq onıń hár tárepleme hám jetik rawajlanıwı ushın qolaylı shárt-shárayatlardı jaratıw;
-mektepke shekemgi jastaģı balalardıń oqıw tárbiyalıq xızmetlerin shólkemlestiriw hám ámelge asırıw;
-balalardıń dáslepki rawajlanıwı máselelerinde ata-analar hám jámiyetke tiyisli bilimlerdi beriwdi shólkemlestiriw hám ámelge asırıw;
-balalardıń dáslepki rawajlanıwı máselelerinde shańaraq hám jámiyet penen óz-ara birgelikte shólkemlestiriw hám ámelge asırıw.


2-bab. MShBSh oqıw processiniń maqseti hám principleri.


2.1. MShBSh oqıw processiniń maqsetleri.
Oqıw tárbiyalıq processtiń maqseti balalarda ulıwmalıq tiykarģı kompetenciyalar hám rawajlanıw tarawlarınıń kompetenciyaların qáliplestiriw ushın tiyisli shárayatlar jaratıwdan ibarat.


2.2. MShBShda oqıw processin shólkemlestiriw principleri.
-bala huquqları, ózine say rawajlanıw ózgeshelikleri hám qábiletlerin esapqa alıw;
-oqıw processinde barlıq túrdegi rawajlanıw tarawlarınıń óz-ara baylanısı;
-bala salamatlıģın asıraw hám bekkemlew, onıń talapları, tiykarınan onıń háreketleniw talapların qanaatlandırıw;
-balanıń dóretiwsheńlik qábiletlerin qollap-quwatlaw;
-oyın arqalı bilim beriw hám rawajlandırıw;
-balanıń rawajlanıwı hám sociallıq maslasıwı ushın qolaylı ortalıq jaratıw;
-bala ushın qáwipsiz ortalıqtı támiyinlew;
MShBShnıń shańaraq, máhalle hám mektep penen birge islesiwi;
-milliy mádeniy dástúrlerdiń qádiriyatın arttırıw hám basqa milletlerdiń mádeniyatına húrmet kórsetiw, basqa milletler mádeniyatınıń ózine say ózgesheliklerin esapqa alıw;
Balanıń mektepke shekemgi bilimlendiriw mákemesindegi rawajlanıwın qollap-quwatlaw keń jámáátshilik jumıs bolıp esaplanadı hám onıń ámelge asırılıwı ushın mektepke shekemgi bilimlendiriw mákemesi baslıģı juwapker boladı.