7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti

5-bab. Balanıń rawajlanıw basqıshı boyınsha jetiskenlikleri.
Bul dástúr balanıń rawajlanıwına individual tárizde qaraw, onıń shaxsın húrmet etiw, onıń mápleri, talapları hám rawajlanıw dárejesin esapqa alıw, sezimtallıqtıń qolaylasıwı barısında ģamxorlıq qılıw, erkin dóretiwsheńlik, ózin-ózi kórsetiw ushın shárayatlardı jaratıwģa talpınıwı názerde tutıladı. Sonlıqtan da, jumıstı rejelestiriw menen bir qatarda, balanıń rawajlanıwın baqlap barıw pedagogtıń jumısındaģı úlken áhmiyetke iye wazıypalardan biri sanaladı. Oqıtıwshı balanı hám onıń ózin tutıw sebeplerin jaqsı túsiniwi, balanıń rawajlanıwın, onıń ishki dúnyasın kóriw, qollap-quwatlaw rawajlanıw jolların belgilew, talap hám máplerin anıqlaw ushın balanıń ómirin sistemalı túrde baqlap baradı. Pedagog baqlawshılar negizinde oqıtıw processin rejelestiriwdi ámelge asıradı hám onı jetilistirip baradı. Balanıń individual rawajlanıwın baqlap barıw ushın Ózbekstan Respublikasınıń dáslepki hám mektepke shekemgi balalardıń rawajlanıwına qoyılģan mámleketlik talaplarında kórsetilgen basqıshlar hám kishi basqıshlarda názerde tutılģan (tájiriybe hám kónlikpeler) hám esapqa alınģan.
Balanıń rawajlanıw kartası 3 ten 7 jasqa shekem bolģan dáwirdi óz ishine aladı, hár bir bala ushın individual tárizde jılına úsh márte toltırıladı.
Mektepke shekemgi bilimlendiriw mekemesinen shıqqanda 6-7 jastaģı balanıń mektepke tayarlaw kartası toltırıladı (tek ģana mektepke shekemgi bilimlendiriw mekemesin pitkeriwshileri ushın). Mektep tayarlıq degende ballada ulıwmalıq kompetenciyalardıń qáliplesiwi túsiniledi. Bul karta mektepke shekemgi bilimlendiriw mekemesiniń hár bir pitkeriwshisi ushın toltırıladı. Onda mámleketlik dástúrge muwapıq rawajlanıwdıń bes basqıshı (balanıń kompetenciyaları) boyınsha kútilgen nátiyjeler kórsetiledi.
Tárbiyashıģa nátiyjeniń qanday da bir dárejesin túsindiriw usınıs etiledi. Rawajlanıwdıń bes basqıshı (balanıń kompetenciyaları) ulıwmalastırıladı hám pikir hám usınıs kórinisinde ata-analardıń itibarı qaratıladı.