7-Sinfda qo’llaniladigan sinfdan tashqari ishlar Reja

O‘quvchilarning ijodiy ishlarini ko‘rsatish kechalari. O‘quvchilarning sinfdan tashqi mashg‘ulotlarining albatta muvaffaqiyatli chiqishini ta’minlovchi asosiy tamoyillardan biri, yuqorida aytib o‘tilganidek, bu mashg‘ulotlarning ma’lum maqsadga qaratilganligi va yaxshi natija berishidir. Sinfdan tashqi mashg‘ulotlar to‘g‘ri tashkil etilganda, o‘quvchilarning ishiga jamoat baho beradi. O‘quvchilar tayyorlagan moddalar kolleksiyasi, jadvallar, sxemalar, asboblar va ishlaydigan modellar, o‘quvchilar adabiyot manbalardan to‘plagan ma’lumotlr, ular tayyorlagan axborotlar bularning hammasidan o‘quv ishidan muvaffaqiyatli suratda foydalaniladi. Bu narsa o‘quvchilarning sinfdan tashqari mashg‘ulotlarning avj oldirib yuborishiga sabab bo‘ladi. O‘quvchilarning ijodiy ishlarini ko‘rsatish kechalari ham sinfdan tashqi mashg‘ulotlarning avj oldirib yuborish vositalaridan biridir. Bu kechalarda kimyo to‘garagininggina ishiga yakun to‘plab qolinmaydi. Ommaviy umummaktab tadbirlari: sinfdan tashqi kitobxonlik, sayohatlar (ayniqsa, uzoqqa borib o‘tkaziladigan sayohatlar) kimyo viktorina, kimyoviy olimpiada bu tadbirlarning hammasi ham odatda, maktabda o‘tkaziladigan maxsus kimyo kechasi bilan tugallanadi.

Bu kechalarning xarakteri, kechaning mundarijasiga qarab xilma-xil bo‘ladi. Bunday kechada, ko‘pincha kimyo to‘garagi o‘zining o‘tgan o‘quv yilida qilgan ishini ko‘rsatadi: to‘garak rahbari qisqacha hisobot beradi, to‘garak a’zolari hosil qilingan moddalarni, yasalgan asbob va ishlovchi modellarning kolleksiyalarning moddalarni qilingan taxlillarni va boshqalarni ko‘rsatadilar. Bunday kechalarda o‘quvchilarninggina emas, balki ular ota-onalarining shuningdek, maxsus taklif qilingan shaxslarning ishtirok etishi o‘quvchilarga katta tarbiyaviy ta’sir ko‘rsatadi.

Ettinchi sinf o‘quvchilarning kimyodan ko‘rsatma qo‘llanmalar tayyorlash tadbirning natijalarini ko‘rsatish kechalari nihoyatda diqqatga sazovor kechalardir. Kecha o‘tkazishdan oldin o‘quvchilar mustaqil suratda bir muncha ijodiy ishlar qiladi. Eng qiziqadigan o‘quvchilar tadbirda «YOsh kimyogarlar -maktabga yordam beringiz» degan shior ostida qatnashadi. Har qaysi ettinchi sinf o‘quvchilari o‘qituvchisining rahbarligida, tadbirning shartlariga ko‘ra o‘quv mashg‘ulotlari uchun zarur bo‘ladigan qo‘llanmalar: asbob, ishlab chiqarish sistemasi, jadval, diagramma va kolleksiya- har qaysi tur qo‘llanmadan bir nushadan tayyorlaydilar. O‘quvchilar tayyorlangan qo‘llanmalarning hammasini yaxshi tushunib oladilar. Tadbir oxiriga kelib maxsus ko‘rgazma tashkil etiladi. O‘quvchilarning ijodiy ishini ko‘rib chiqish kechasida har qaysi sinf o‘z qo‘llanmalarini ko‘rsatadi. Eng yaxshi qo‘llanmalar va eng yaxshi sinf alohida qayd qilib o‘tiladi va mukofotlanadi.