7 sinfda o’quvchilarini (mutatsiya) jarayonini hisobga olgan holda qo’shiq o’rgatish

Bolalar ovozini saqlash metodlari

• Bolalar ovozi apparatining tuzilishi va hushovozlikning shakllanish xususiyatlarini chuqur o’rganish bolalar ovozini saqlash va tarbiyalash uchun ma’lum metodika ishlab chiqishni zarur qilib qo’ydi. Bu ikki tushunchani (bolalar ovozining shakllanish va uni saqlash tushunchasini) bir-biridan ajratib bo’lmaydi. Chunki, bolalarni qo’shiq kuylashga to’g’ri o’rgatish ovozni saqlashning eng muhim usulidir, demak umumiy ta’lim maktablarida musiqa tarbiyasini amalga oshiruvchi musiqa o’qituvchilarining roli juda kattadir. Bolalarni qo’shiqsevar qilib tarbiyalash, o’qituvchilarning malakasiga, bolalar ovozidagi xususiyatlarni bila olishiga, qo’shiqqa o’rgatish metodikasini qanchalik egallaganligiga bog’liqdir.

2.1. Umumta’lim maktabidagi o’quvchilarning ovoz xususiyatlari

• Maktab yoshidagi o’quvchilarning ovoz pardalari katta odamlar ovozi pardalaridan 2 - 2,5 marta kichikdir. O’quvchilar ovoz pardalarining tebranish amplitudasi qisqa va tez harakatlanishi tufayli ular ovozi ingichka, yengil, nozik va registr jihatidan ancha yuqori bo’ladi.
• Musiqiy tarbiya ishini to’g’ri qo’yib, o’quvchilarning yoshiga va ovoziga mos qo’shiqlarni kuylatish natijasida ularning ovoz apparati yaxshi rivojlanadi. Bunday holda qo’shiq repertuarlarini tanlashda o’quvchilarning quyidagi ovoz diapazoni normalariga rioya etish tavsiya etiladi.

Normal rivojlangan bolalar ovoziga xos bo’lgan bola ovozining shakllanishidagi asosiy davrlar bilan tanishamiz:

• 1. 7-9 yoshli bolalarning ovozi o’zining yengilligi, tiniqligi, yorqinligi hamda ovozning tanglaydan chiqishi bilan ajralib turadi. O’g’il va qiz bolalarning ovozi bir-biriga o’xshaganligi sababli ba’zi vaqtda qo’shiqni kim ijro etayotganligini o’g’il bolami, qiz bolami bilish qiyin. Ovozlarning deyarli hammasi diskant ovozlardir. Ovoz hajmi do1-re2 dan do2-re2 gacha birinchi oktavadagi fa, sol, lya tovushlari (primar zonasi) eng yaxshi sado beradigan tovushdir.
• 2. 10-11 yoshli bolalalarning ovozi ancha kuchli va quyuqroq eshitiladi. Quyi tovushlarda, ko’krakdan chiqarib aytish elementlari uchraydi. Bu yoshda ovoz shakllana boshlaydi, hiyla muayyan tembrdagi ohang paydo bo’ladi. Shu tufayli o’g’il bolalar ovozi diskant va altga bo’linadi.