7-мавзу. Қурилиш материалларини саралаш учун технологик ускуналар. Р е ж а

Гидроциклонлар. Гидроциклонлар марказдан қочма кучлар таъсиридаги ўлчамлари 10 дан 500 мкм гача бўлган қумларни ва ҳар хил кукунларни саралаш учун қўлланилади. Гидроциклонлар қурилмаси бўйича жуда содда, ишлатишга қулай ва унча қиммат эмас.
Гидроциклон қуйидагилардан таркиб топган: метал қобиқдан (кўпроқ чугундан), юқори қисми цилиндрик кўринишга эга, пастки қисми эса конуссимон. Гидроциклонни ички юзаси резина билан қопланган. Циклонни цилиндрик қисмида қуйқаларни узатувчи ва майда фракцияларни чиқарувчи патрубкалар бор. Пастдаги конуссимон қисмида юк туширувчи қурилма жойлашган.
Қуйқа циклонга патрубок орқали қобиқга тангенциаль ҳолда давления (босим) остида насос билан берилади. Бунинг натижасида қуйқа айланма ҳаракатга келади. Маркази қочма кучлар таъсирида йирик заррачалар қобиқни деворларига улоқтирилади ва спирал йўналиши бўйича юк туширувчи қурилмага ҳаракатланади, сўнг тегирмонга қайта кукунлашга кетади. Майда заррачалар ички спирал оқими бўйлаб патрубкага ҳаракатланади ва улар кукун ҳавзасига ёки ажратгичга туширилади.
Гидроциклонлар 75 дан 1000 мм гача диаметрда чиқарилади, иш унумдорлиги эса 0,0013 дан 0,17 м³/с гача. Гидроциклонни иш унумдорлиги (м³/с) қуйидаги тенглик орқали аниқланади.
Dd₁ √Н
Q= ---------------
3600
бу ерда: D – гидроциклон диаметри, м.
d₁– озиқлантирилаётган тешикнинг диаметри, м.
Н – гидроциклонга кираётган босим, МПа.


Гидромеханик саралагичлар. Гидромеханик саралагичлар зарраларни ажратувчи таъсир кўрсатиш механизмига эгадир. Саралагичлар тегирмонлар билан бирга кукунлашда очиқ ва ёпиқ циклларда ишлайди. Гидромеханик саралагичлар спиралли, рейкали, идишли ва дражли бўлиши мумкин.
Спиралли саралагичлар қуйидагича тузилган: ярим цилиндрик идишдан, пастки қисмида тиндирувчи бассейн ва спираллар бор. Идишнинг ҳажми қоришма қуйиладиган бурчак қиялигига ва девор баландлигига боғлиқ. Спиралли саралагичларнинг иш унумдорлиги (қум бўйича) қуйидаги эмперик тенглама орқали аниқланади:
Q=7,14 D³ ω

бу ерда: D – спирал диаметри, м

ω – спиралнинг айланиш бурчак тезлиги, рад/с