7-mavzu. Turistik bozorni sigmentlash reja

7-mavzu. Turistik bozorni sigmentlash
REJA

1. 
   Туристик бозорни сегментлаш асослари
   
2. 
   Сегментлаш мезонлари
   
3. 
   Туристик бозорни бир неча белгилар бўйича сегментлаш
   
4. 
   Туристларни таснифлаш тажрибаси
   
5. 
   Интерактив моделдаги турист турлари
   
6. 
   Когнитив-норматив моделдаги турист турлари
   
7. 
   Мақсадли бозорни танлаш
   

Туристик корхона мураккаб бозор шароитларида фаолият юритаѐтиб кимга, қандай хизмат кўрсатиш кераклигини аниқ билиши шарт. Гап шундаки, маркетинг нуқтаи назаридан, ҳар бир бозор бир-биридан таъби, истаклари, эҳтиѐжлари билан фарқ қиладиган ва туристик хизматларнинг турли мотивларидан келиб чиқиб, харид қиладиган истеъмолчилардан иборат. Шу сабабли муваффақиятли маркетинг фаолиятининг амалга оширилиши истеъмолчиларнинг турли гуруҳларининг ўзларига хос афзалликларини ҳисобга олишни кўзда тутади. Айнан шу бозорни сегментлашнинг асосини ташкил этади. Сегментлаш ѐрдамида потенциал истеъмолчиларнинг умумий миқдоридан туристик маҳсулотга у ѐки бу даражада бир хил талабларга эга бўлган аниқ турлар (бозор сегментлари) танлаб олинади.

Туристик бозорни сегментлаш – потенциал харидорлар талабларининг сифатий ва миқдорий ўзига хосликларига мос равишда туркумлаш сифатида таърифланади. Корхона сегментлашни амалга ошираѐтиб бозорни мижозларнинг алоҳида гуруҳларига бўладики, уларнинг ҳар бири учун бир хил ѐки ўхшаган хизмат турлари талаб этилиши мумкин бўлади.
Сегментлашнинг асосий мақсади – туристик маҳсулотга йўналиш бериш бўлиб, у барча истеъмолчиларнинг талабларига жавоб бера олмайди. Унинг воситасида маркетингнинг асосий тамойили – истеъмолчига мўлжалланиш амалга оширилади. Бунда туристик корхона ўз кучланишларини тўрт тарафга тарқатмай, балки "асосий зарба йўналишида" (у учун энг истиқболли бўлган бозор сегментларига) марказлаштиради. Шунинг билан савдо, реклама, сотувларни рағбатлантиришнинг бошқа шакл ва услублари қўлланилиш самарадорлигининг оширилишига олиб келади.
Демак, сегментлаш бир томондан, туристик корхонанинг маркетинг фаолияти йўналтириладиган бозор қисмларини топиш ва объектларини (аввало истеъмолчиларини) аниқлаш усулларини акс эттиради. Иккинчи томондан, бозор билан боғлиқ бўлган қарорлар қабул қилиш жараѐнига бошқарувчилик ѐндашуви ҳамда маркетинг унсурларининг оптимал бирикмасини танлаш асосидир.
Туризмдаги маркетинг амалиѐти шунга кафолат берадики, бозорни сегментлаш:

• 
  ўз мақсадига эга истиқболли бозорни танлаш воситасидир;
  
• 
  мижозларни энг кўп (максимал) даражада қониқтириш имконини беради;
  
• 
  оптимал маркетинг стратегиясини танлашга ѐрдам беради;
  
• 
  эришиб бўладиган ва аниқ мақсадларнинг қўйилишига;
  
• 
  қабул қилинаѐтган қарорлар даражасини, уларнинг асосланишини истеъмолчиларнинг бозордаги ҳатти-ҳаракатлари тўғрисидаги ахборот билан таъминлаб амалга ошириш имконини беради;
  
• 
  ҳам таклиф этилаѐтган хизматларнинг, ҳам умуман олганда корхона рақобатбардошлигини оширилишини таъминлаб беради;
  
• 
  туристик корхона маркетинг харажатларининг оптималлаштирилишини кўзда тутади;
  
• 
  рақобат курашини четлаб ўтиш ѐки эгалланмаган сегментни ўзлаштириш йўли билан унинг даражасини пасайтириш имконини беради.
  

Бозорни сегментлаш – сўзсиз, туризмдаги маркетингнинг энг муҳим дастурларидан бири. Рақобат курашидаги муваффақият унинг қанчалик тўғри амалга оширилганлигига боғлиқ бўлади. Самарали бўлиши учун сегментлаш алоҳида белгилар бўйича олиб борилиши шарт.

2.