7 mavzu. Rekreatsion turizmni rivojlantirishda oromgohlarning o’rni va ahamiyati reja

7 - MAVZU. REKREATSION TURIZMNI RIVOJLANTIRISHDA OROMGOHLARNING O’RNI VA AHAMIYATI

Reja:

7.1. Oromgoh tushunchasi va oromgohlarning davlat tomonidan nazoratga olinishi

7.2. Oromgohning maqsadi, vazifalari va funksiyalari

7.3. Oromgohlar faoliyatini tashkil etish

7.4. Statsionar oromgohning faoliyatini tashkil etish

7.5. Kunduzgi oromgohning faoliyatini tashkil etish

7.6. Oromgoh faoliyatini ixtisoslashtirish

7.7. Oromgohlarda dam oldirish va sog‘lomlashtirish jarayoni

Javoblar

7.1. Oromgoh tushunchasi va oromgohlarning davlat tomonidan nazoratga olinishi. Oromgoh sanitariya-gigiyena, sanitariya-epidemiologiya hamda xavfsizlik talablariga to‘liq javob beradigan va qulay sharoitda bolalarning belgilangan kundalik hayot tarziga rioya etishi, sifatli ovqatlanishi, ijodiy salohiyatining rivojlanishi, sog‘lom turmush tarzi ko‘nikmalarining shakllanishi, dam oldirilishi, salomatliklarining tiklanishi va mustahkamlanishi, jismoniy tarbiya, sport va turizm bilan shug‘ullanishlarini ta’minlovchi sog‘lomlashtirish muassasasi hisoblanadi.

“Bolalar sog‘lomlashtirish oromgohlari to‘g‘risidagi” Nizom talablari davlat organlari, ular tizimidagi tashkilotlar va kasaba uyushmalari tasarrufida bo‘lgan oromgohlar faoliyatiga, shuningdek kasaba uyushmalari mablag‘lari yo‘naltiriladigan boshqa oromgohlar faoliyatiga nisbatan tatbiq etiladi.

Oromgoh o‘z faoliyatida O‘zbekiston Respublikasining Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizom va boshqa qonun hujjatlariga hamda o‘z ustaviga amal qiladi.