7-mavzu: missionerlik va prozelitizm: tarix va bugun, targ’bot usullari reja

YOshlar orasida missionerlik targ‘ibotining oldini olishga qaratilgan ishlarning qanday ustuvor yo‘nalishlarini ajratish mumkin?
Missionerlar o‘z faoliyatida millat va jamiyatning kelajagi bo‘lgan yoshlarga alohida e’tibor bermoqdalar. YOshlarga bunday intilishlarning oqibatlarini tushuntirishda ma’naviy-ma’rifiy tarbiyaning barcha vosita va uslublaridan samarali foydalanish, bunda balandparvoz shiorlarni takrorlash va dabdababozlikdan qochish, missionerlikning real tahdidini hayotiy misollar orqali yoritib berish muhim ahamiyatga ega.
Mamlakatimiz aholisining qariyb yarmini tashkil etadigan yoshlar bilan ishlash masalasi, bundan buyon ham eng asosiy vazifalarimizdan biri bo‘lib qoladi, deydi, O‘zbekiston Respublikasi Prezidenti SHavkat Miromonovich Mirziyoev Oliy Majlisga Murojjatnomasida. 
“YOshlarni tadbirkorlikka keng jalb etish, ularning bandligini ta’minlash maqsadida “YOshlar – kelajagimiz” jamg‘armasi faoliyatini yanada kengaytirish zarur. 
2019 yilda jamg‘arma uchun 2 trillion so‘mdan ziyod mablag‘ ajratish va shu orqali 50 mingdan ortiq yangi ish o‘rni yaratish lozim.
Farzandlarimizning turli radikal va zararli g‘oyalar ta’siriga tushib qolishiga yo‘l qo‘ymaslik – asosiy vazifamizdir. Bu boradagi ishlarni yangicha yondashuvlar bilan davom ettirishimiz kerak”. 
SHu nuqtai nazardan qaraganda, olib borilayotgan ma’naviy-ma’rifiy va g‘oyaviy-tarbiyaviy ishlar yoshlarning qiziqishi va intilishlaridan kelib chiqib tashkil etilgandagina o‘zining ta’sir quvvatiga ega bo‘lishini va aniq amaliy natijalarga erishishga zamin yaratishini ta’kidlash zarur.
Bekorchilik har qanday iste’dod uchqunini o‘chirib, boshlangan har qanday ezgu niyat va intilishlarni yo‘qqa chiqaradi, qo‘lga kiritilgan muvaffaqqiyatlarning boy berilishiga olib keladi. Bekorchilik oqibatida inson o‘z hayotida xayoldan va xohish-istakdan nariga o‘ta olmaydi.
O‘tilgan mavzu bo‘yicha savollar:

1. 
   Missionerlik deganda nimani tushunish kerak?
   
2. 
   Prozelitizm nima? Uning mohiyati nimada?
   
3. 
   Xristian missionerligi qanday g‘oyaviy-aqidaviy asoslarga tayanadi?
   
4. 
   Dastlabki missionerlarning faoliyati qanday boshlangan?
   
5. 
   Xristianlik doirasida keng tarmoq otgan missionerlikning tashkiliy asoslari haqida nima deyish mumkin?