7-Mавзу. Гимнастикада умумий ривожлантириш,мувозанат машқлари,югуриш,сакраш,рақс элементлари

7-Mавзу.Гимнастикада умумий ривожлантириш,мувозанат машқлари,югуриш,сакраш,рақс элементлари.
2. Гимнастика машғулотлари инсон организмини соғломлаштиришда асосий вазифаларни ҳал этишда, ёшларни қоматини шакллантиришда, жисмонан иш фаолиятини оширишда ақлан теран бўлиб ўсишларида ёрдам беради. Гимнастика грекча сўздан олинган бўлиб, “гимнос” (машқ қилдираман) маъносини билдиради. Киши саломатлигини мустаҳкамлаш, уни ҳар томонлама жисмонан тарбиялаш ва ҳаракат қобилиятларини, кучи, чаққонлиги, ҳаракат тезкорлиги, чидамлилиги, эгилувчанлиги ва бошқа хусусиятларини такомиллаштириш учун ишлатадиган махсус танланган жисмоний машқлар, услубий усулларининг тизими деган маъноси бор. Гимнастика машғулотларида қўлланиладиган жисмоний машқлар, табиатнинг табиий омиллари (хаво, сув, қуёш) меҳнат ва турмушнинг гигиеник шароитлари жисмоний тарбиянинг асосий воситалари хисобланади. Керакли кўрсатгичларга эришиш учун ҳамма жисмоний тарбия воситаларидан комплекс тарзда фойдаланиш зарурдир. Гимнастика. Гимнастика жисмоний тарбиянинг асосий воситаларидан бўлиб, соғликни мустахкамлаш, харакат, малака ва кўникмаларни, жисмоний, иродавий, ахлоқий сифатларини ривожлантириш мақсадида инсон организмига таъсир этувчи шунингдек, жисмоний етишмовчиликларига бархам берувчи махсус танланган машқларни ўзида мужассам этади. Сакраш ҳаракатини тўрт босқичга бўлиш мумкин: 1. Сакрашга тайёрланиш бўлиб, бунда гавданинг болдир-ошиқ бўғими тизза ва чаноқ-сон бўғимлари букилади. 2. Сакраш ва тепиш-бунда болдир, тизза ва чаноқ-сон суяклари, мускуллари қисқаради. 3. Ҳавода учиш бўлиб, бунда бел ва чаноқ-сон бўқимлари букилади. 4. Ерга қўниш бўлиб, бунда учиб бораётган одам орқа оёқ учи билан, товон ёки оёқ кафти билан қўниши мумкин. Юриш мураккаб ҳаракат бўлиб, уни таъминлаш, суяк таянч ҳаракати аъзолари, мускуллар фаол иштирок этади. Тик турган одам юришга бошлаганда тана мувозанати ўзгариб, оёқ томонга са энгашади, акс ҳолда йиқилади. олдинга ташланган иккинчи оёқ ерга олдин товони билан, кейин эса бутун панжаси билан таянади.