7-Mavzu. Bolalarni maktab ta’limiga tayyorlashda aqliy rivojlantirishning ahamiyati tayanch tushunchalar

Metodik ishlar:

1. O‘qituvchilar va tarbiyachilar tomonidan maktabning birinchi sinfi dasturlari bilan bolalar bog‘chasi tayyorlov guruhlari dasturlarining o‘rganilishi va muhokama qilinishi (yil davomida).

2. O‘qituvchilar bilan tarbiyachilarning dars va mashg‘ulotlarni o‘zaro borib ko‘rishlari (yil davomida).

3. Bolalar bog‘chasining maktabga tayyorlov guruhida jismoniy tarbiya mashg‘ulotlarining jismoniy tarbiya o‘qituvchisi tomonidan o‘tkazilishi.

4. Tayyorlov guruhida mashg‘ulotlar, maydonda harakatli o‘yinlar o‘tkazish va ularni tahlil qilish.

5. Pedagoglar kengashlarida (maktab direktori, ilmiy mudir, o‘qituvchilar, bog‘cha tarbiyachilari va bog‘cha mudirasi, metodist ishtirokida o‘tkaziladigan kengashlarda) quyidagi masalalarni muhokama qilish:

a) hozirgi bosqichda bolalar bog‘chasi bilan maktab ishidagi izchillikning ahamiyati;

b) birinchi sinfda bolalar bilan ishlashning dastlabki kunlari (sentabr-oktabr);

d) tarbiyachilarning bolalarni maktabga tayyorlashdagi tajribalarini o‘rtoqlashish;

e) bolalarning nutqini o‘stirish, sanoqqa o‘rgatish dasturlarini uqib olishlari (yanvar-fevral);

f) bolalarni maktabga tayyorlash dasturlarining bajarilishi;

h) bo‘lajak o‘quvchilarda yozgi mavsum uchun tavsiyalar.

6. Bolalarni ona tiliga (sanoqqa, rasm chizishga) o‘rgatishdagi izchillik masalasi yuzasidan vaqtli matbuotda bosilgan materiallarni muhokama qilish.

7. Tarbiyachilar va birinchi sinf o‘qituvchilari uchun metodika adabiyoti sohasida yangi chiqqan kitoblar ko‘rgazmasini tashkil etish.

8. Tayyorlov guruhi tarbiyachilarining maktabdagi dastlabki mashg‘ulotlarni borib ko‘rishlari.