7-Mavzu. Bolalarni maktab ta’limiga tayyorlashda aqliy rivojlantirishning ahamiyati tayanch tushunchalar

7.3. Bolalarni maktabga tayyorlashga oid ishlarni yo‘lga qo‘yishda pedagog va MTT rahbarining roli.

Olti yoshli bolalarni maktabga tayyorlashni yo‘lga qo‘yishda muvaffaqiyatga erishish uchun tarbiyachi shu maqsadni ko‘zlab harakat qilishi va jiddiy ta’lim-tarbiyaviy ish olib borishi zarur. Tarbiyachidan psixologik jarayonlarga oid ko‘p daraja asosli bilimga ega bo‘lish, bolalarni bilimlarning uqib olish qonuniyatlarini bilish talab etiladi, ta’limning odatlanib qolingan yo‘llariga o‘z munosabatini o‘zgartirishi zarur, ta’limning bu odatlanilgan usullari faqat tashqi ijobiy natijalar bilangina qanoatlanar edi.

Tarbiyachi faqat boshqalarni o‘qitibgina qolmasdan, balki o‘zi ham muntazam o‘qib borishi zarur. Faqat shu holdagina u bolani bilim olishga o‘rgata oladi. Bolalarni maktabga tayyorlashga oid barcha ishlarda bolalar bog‘chasi mudirasining roli kattadir. Bolalar bog‘chasi ishlarining yillik rejasida ta’lim-tarbiya jarayonni takomillashtirishga qaratilgan vazifalarni hamda bolalar bog‘chasi va boshlang‘ich maktablarda yangi dasturga o‘tilishi munosabati bilan bolalarni tarbiyalash va ularga ta’lim berish sharoitini ko‘zda tutish muhimdir; tayyorlov guruhi bolalarida maktab ta’limiga tayyorlikni va qiziqishni ta’minlashga alohida e’tibor berish zarur; yangi dasturlar asosida olib boriladigan ishlarda izchillik bo‘lishiga erishish maqsadida maktab bilan zarur aloqa o‘rnatish lozim (o‘zaro borib ko‘rish, kengashlar o‘tkazish va hokazo).

Maktab bilan mustahkam aloqa bog‘lash bilan birga, bolalarni maktabga tayyorlashga oid ishlarning umumiy rejasini yil boshida tuzish foydalidir, unda: metodika ishlari, bolalar jamoasi bilan olib boriladigan ishlar va ota-onalar bilan olib boriladigan ishlardan iborat uchta bo‘lim ko‘zda tutilishi zarur.

Bolalarni maktabga tayorlashning namunaviy rejasini keltiramiz.