7-mavzu. (4 soat) avtomobil yo`llari va shahar ko`chalarida harakatini tashkil etishning uslubiy asoslari va amaliy tadbirlari reja

7.8-jadval

Rejadagi egrilik radiusi, m	50 va kam	100- 150	200- 300	400- 600	1000-2000	2000 va ko`p
Radiusning YTH ta`sir koefffitsienti	5,4	4,6	2,25	1,6	1,25	1,0

Keltirilgan jadvaldan ko`rinib turibdiki, rejadagi egrilikning radiusi 600 m dan kam bo`lganda shu egrilik uchastkasida YTH keskin ko`payib ketar ekan. Bundan xulosa shuki, egri uchastkalarda 600 m dan kichik bo`lgan radiusni belgilash eng oxirgi chora deb ko`rilishi kerak va iloji boricha egrilikning radiusini 3000 m va undan ko`p belgilangani mahqul.

Yo`lning yuklanganlik koeffitsientiga qarab quyidagi ishlarni egrining radiusi kichik bo`lgan joylarda bajarilishi tavsiya etiladi (7.9-jadval).
«Avtomobil yo`llari» kursidan ma`lumki, xavfsizlikni ta`minlash uchun kichik radiusli egriliklarda «viraj» qurilishi belgilanadi. Egri uchastka serpantinadan iborat bo`lsa, unda bunday joylarda (tog`lik tumanlarda) «zinasimon» viraj qurilishi avtomobil-larning tezligini va xavfsiz harakatini oshiradi. «Zinasimon viraj»dagi nishablik qismi o`rtasidagi ko`ndalang nishablik radiusining qiymatiga qarab (oddiy virajdagidek) olinadi, eni 2 metrdan kam bo`lmagan ichki va tashqi tasmalardagi (7.9-rasm) ko`ndalang nishablik esa ichki tasma uchun 10–20 %<sub>0</sub>, tashqi tasma uchun 10–40 %<sub>0</sub> asosiy (o`rtadagi) nishablikka nisbatan katta belgilanadi.