7-mavzu. (4 soat) avtomobil yo`llari va shahar ko`chalarida harakatini tashkil etishning uslubiy asoslari va amaliy tadbirlari reja

7.9-jadval

Yuklanganlik koeffitsienti	Bajariladigan tadbirlar
0,2	Yo`l belgi chizig`ini chizish, yo`l belgilari, to`siqlarni va qurilmalarni o`rnatish
0,2-0,5	Yo`l qatnov qismini egrilikda kengaytirish va ko`rinishni 600700 m ga yetkazish
0,5-0,8	Yo`l o`qi bo`yicha egri uchastkada xavfsizlik orolchasini joylashtirish
0,8-1,0	Egrilikning radiusini oshirish

7.9-rasm. Zinapoyasimon viraj.
1-qatnov qismidagi asosiy nishablik; 2-ichki tasma; 3-tashqi tasma.
Egri uchastkalarda xavfsizlikni ta`minlash uchun radiusni kattalashtirish talab etilsa-yu, lekin uning iloji bo`lmasa, unda egri uchastkalarda harakat tezligini pasaytirish va xavfsizlikni oshirish uchun «shovqin chiqaruvchi» yoki «silkituvchi» ko`ndalang tasmalar qurilishi ko`zda tutilishi mumkin.
SHNQ 2.05.02-07 ko`rsatmalariga asosan «shovqin chiqaruvchi» ko`ndalang tasma xavfli uchastkadan 250–300 m oldin o`rnatilib, eni 5–7 m tasmalar orasidagi masofa avvaliga 30 metrgacha, keyingi-lariniki esa 10–15 m qabul qilinadi. Ko`ndalang tasmalarning balandligi 10–12 mm belgilanadi.
Egri uchastkalarda xavfsizlikni yo`l belgi chiziqlari chizish orqali, yo`l belgilari, yo`l to`siqlari va yo`naltiruvchi qurilmalar o`rnatish hamda «shovqin chiqaruvchi» ko`ndalang tasmalar qurish natija bermasa, u holda t.f.n., A.Sadirxo`jaev tavsiyasiga asosan, «silkituvchi» ko`ndalang tasmalar belgilanishi kerak.
«Silkituvchi» ko`ndalang tasmalarning eni 1 m olinib, birinchi ikkita-uchta tasmaning balandligi 1,5–2,0 sm, keyingilariniki esa 3 sm belgilanadi. Tasmalar orasidagi masofa 7.10-jadvalga asosan qabul qilinadi.