7-ma’ruza: qurilishda pardozlash ishlari

Flizelin asosli gulqog‘ozlar. Flizelin ashyosi tikuvchilik sohasida matoni zichlashtirish uchun keng qo‘llaniladi. Hozirgi vaqtda uni qog‘ozga muqobil ashyo sifatida, hamda, toza flizelinli gulqog‘oz ishlab chiqarishda qo‘llanilmoqda.
Flizelinni gulqog‘oz ishlab chiqarishda qo‘llanilinilishi nafaqat foydalanish xususiyatlarini oshirdi, balki gulqog‘ozlarning manzaraviy imkoniyatlarini ham oshirdi. “Devorning chuqurligi” tasavvurini hosil qilish – rasmlarni hajmli, bo‘rttirib ko‘rsatish imkonini berdi (7.3-rasm).





7.3-rasm. Flizelin asosli vinilli gulqog‘oz namunasi.

Gulqog‘oz ishlab chiqarishda ko‘p qatlamli flizelin qo‘llanilganda, ustki (manzarali) qatlamga qiziqarli ko‘rinadigan ko‘rinish beradigan turli shakldagi gullar bosish mumkin.

Flizelin – bu sellyuloza va to‘qima tolalardan hosil qilinadigan noto‘qima materialdir, u ko‘rinishidan shisha tolaga o‘xshaydi,lekin undan ko‘ra yupqa tarkibga ega. Bu materialning asosiy ko‘rsatkichlari uning cho‘zilmasligi, xo‘llanganidan so‘ng quriganida kirishmasligidir. SHaklining o‘zgarmasligi bilan bir vaqtda bunday gulqog‘ozni yopishtirish osonligi ham boshqa gulqog‘ozga nibatan afzalligidir. Flizelinli gulqog‘ozlarni yopishtirishda elim bevosita devorga surtiladi, gulqog‘oz esa quruq holda devordagi elimga yopishtiriladi. Bu esa o‘z navbatida gulqog‘oz bo‘laklarini bir-biriga yaqin, zich va to‘g‘rilab yopishtirish imkonini beradi. Flizelinli gulqog‘ozlar yopishtirilayotganda deformatsiyalanmaydi. Bunday gulqog‘ozlarni har qanday asosga yopishtirish mumkin.
Flizelinli gulqog‘ozlarni yopishtirish uchun maxsus 1:20 nisbatli sirach yoki shisha tolali matolar uchun qo‘llaniladigan elimlar bor.
Elim devorga gulqog‘oz enidan bir oz kengroq qilib surtiladi. Bo‘laklar bir-biriga uchma-uch tutashtirib, gulqog‘oz valigi yordamida tekislanadi, shift va plintusga taqalib turgan joylari shpatel bilan qisib, pichoqda kesib tashlanadi. Elim bevosita gulqog‘ozga ham surtilishi mumkin, lekin uni uzoq tutib elimni shimishiga qo‘ymasdan, darhol devorga yopishtirish kerak.
Tashqi va ichki burchaklarga gulqog‘oz yopishtirganda, ikki tekislikdagi gulqog‘ozlar bir-biriga 7-8 sm mingashtirib yopishtiriladi. Elimlangan gulqog‘ozlar 5-7 coat ichida quriganidan so‘ng, ularning yuzasi dispersli yoki akrilli bo‘yoqlar bilan bo‘yalishi mumkin.