6-tema: Fundamental izertlewler hám olardıń jámiyet rawajlanıwındag`ı ornı. Joba: 1

6-TEMA: Fundamental izertlewler hám olardıń jámiyet rawajlanıwındag`ı ornı.
Joba:
1. Fundamental izertlewlerdiń baǵdarlaması.
2. Ámeliy izertlewler baǵdarlaması.
3. Fundamental hám ámeliy izertlewler ilimiy-texnika baǵdarlamaları.
4. Ilimiy proekt
Fundamental izertlewler. Fundamental izertlewler haqıyqatlıq hádiyseleri hám nızamları haqqında jańa bilim alıwǵa qaratıladı. Olar qanday da bir ámeliy maqsetlerge erisiwdi tikkeley kózlemeydi. Bul jerde izertlewshini haqıyqat óz-ózinshe qızıqtirmaydi, ol usı haqıyqattıń túbine jetiw qanday payda keltiriwi múmkinligin bilmesten onı izlaydi.
Fundamental izertlewler eki qıylı: erkin hám anıq maqsetke qaratılǵan boladı. Erkin izertlew ádette individual ózgeshelikke iye yamasa jumıs maqsetin ǵárezsiz belgilew hám oǵan zárúr bolǵan qárejetti óz ıqtiyarına kóre ajıratıw múmkinshiligine iye bolǵan alım tárepinen basqarıladı. Erkin izertlew rejiminde jumıs alıp baratırǵan alım óz iskerligi metodları hám baǵdarların tańlawda erkin boladı. Onıń aqılında birden ideyalardıń payda bolıwı, eger olar alımǵa qızıqlı bolıp sezilse yamasa tábiyat nızamların jáne de tereńrek túsiniwdi qálese yaki izertlewdiń jańa tarawların ashıw múmkinshiligin berse, ilimiy izertlew baǵdarın pútkilley ózgertirip jiberiwi múmkin.
Anıq maqsetke qaratılǵan fundamental izertlewde ilimiy izertlew baǵdarı anıq belgilengen boladı hám izertlewshilerden qoyılǵan maqsetlerge erisiw jolınan shetke shıqpaw talap etiledi. Ádette, bunday izertlew arnawlı bir shólkem quramında, jámáát bolıp ámelge asıriladı. Ol jaǵdayda jámáát jumisına basqarıw basshılıq qılıw sisteması úlken rol oynaydı. Qánigelestirilgen ilimiy gruppalar, laboratoriyalar, bólimler shólkemlestiriledi, olardıń iskerligi muwapıqlastırıladı. Eger izertlew jolı kerek dárejede anıq bolsa, onı joybarlaw, hár bir basqıshta alınıwı kerek bolǵan nátiyjelerdi hám de onıń ushın zárúr texnika hám materiallıq qurallardı názerde tutıw múmkinshiligi payda boladı.
Tapsırma: proekt jazıw

1. 
   Proekt atı: Kitap ómir aynası
   
2. 
   Tańlaw túri: Ámeliy-ilimiy texnikalıq izertlew
   
3. 
   Baģdarlamanıń atı: Kitap bilim bulaģı
   
4. 
   Annotaciya: Házirgi kúnde kitap oqıwģa qızıģıwshılıqtıń kemeyip ketiwi aqıbetinde insanlardıń oy-órisi, sana sezimi, pikirlew qábileti tómenlep ketpekte. Proekttiń maqseti bunday aqıbetlerdiń aldın alıw, jaslarda kitapqa bolģan qızıģıwshılıģın arttırıw, bul arqalı olardıń oy-órisin, pikirlew sheńberin keńeyttiriw, kitap oqıw arqalı dúnyanı tanıwģa járdem beriw, erkin pikirlewin qáliplestiriw, kitaptan alģan tásirlerin analizlep biliw hám onıń jaqsı táreplerin óz ómirinde paydalanıp biliwge shaqırıwdan ibarat.
   

Proekttiń waziypaları: jaslardı bir jerge toplaw, olardı kitap oqıwģa shaqırıw, jaslardıń itibarın tarta alatuģın kitaplardı analiz-sintez qılıp, olardıń ishinen eńjaqsı tárbiyalıq áhmiyetke iye bolģan ádebiyatlardı saylap alıw, saylanģan kitaplar sanın kóbeytip baspadan shıģartıw, olardı jaslarģa tarqatıw, kitaplardı oqıģanlıģın tekserip kóriw maqsetinde jaslar arasında hár-túrli jarıslar, zakawatlar, soraw-juwaplar, kesheler shólkemlestiriw. Bunday ilájlardı alıp barıw ushın obiekt saylaw mısalı: mekteplerdegi oqıwshı jaslar.

5. 
   Qatnasıwshılar sanı: ilimiy basshılar 10, qatnasıwshılar mektep oqıwshıları (2 mektep) 1000.
   
6. 
   Proektti orınlaw múddeti: 2022-2023 oqıw jılı
   
7. 
   Proektti ámelge asırıw ushın 1 jılda sarıplanatuģın qárejet kólemi: kitaplardı baspadan shıģartıw, hár bir kitaptı ortasha 30 000 swm dep esaplaģanda, kesheler, jarıslar ótkeriw ushın: 50 000 000.
   

Proekt teması	Atqarıwshı shólkem proekt basshısınıń tolıq atı familiyası.	Izertlewlerde kútilejaq anıq nátiyjeler (basqıshlar yaki jıllar boyınsha)	Juwmaqlanǵan izertlewler nátiyjelerin ámeliyatqa engiziw.
1	2	3	4
Kitap ómir aynası	Ájiniyaz atındaģı NMPI tálim hám tárbiya teoriyası hám metodikası(baslawısh tálim) magistrantı Jamgirbaeva. N	2022-2023 jıl aralıģında mektep oqıwshıları kitapqa qızıqtırıladı, kitap oqıwģa ádetlenedi, kitap penen dos boladı, ómirdi tanıydı…	2022-2023 jil aralıģında ótkerilgen tájiriybe jaqsınátiyje berse bul izertlew nátiyjelerin basqa oqıw orınlar, joqarı oqıw orınları, xalıq arasına engiziw.