6 та бахтсиз ҳодиса содир бўлган, шулардан: та оқибати ўлим: 14 та оқибати оғир бўлган

“Ўзбекистон темир йўллари” АЖ корхона, ташкилот ва муассасаларида 2022 йил 06- октябр ҳолатига кўра меҳнат муҳофазаси бўйича ишлаб чиқариш билан боғлиқ содир бўлган бахтсиз ҳодисалар бўйича
МАЪЛУМОТ
“Ўзбекистон темир йўллари” АЖ корхона, ташкилот ва муассасаларида 26 та бахтсиз ҳодиса содир бўлган, шулардан:
6 та оқибати ўлим:
14 та оқибати оғир бўлган:
3 та оқибати ўрта оғир бўлган:
3 та оқибати енгил бўлган:

Т/р, ҳолат	Корхона номи, жабрланувчининг Ф.И.Ш.
оғир	2022 йил 2- Январдан 3- Январга ўтар кечаси тахминан соат 02-30 лар атрофида “Қўнғирот МТУ” УК га қарашли Нукус станцияси юк қабул қилиб топширувчиси Кудайберганов Куанишбай Жубатханович (1993 йил 12 октябр куни туғилган, оилали 2 нафар фарзанди бор, темир йўлда иш стажи 2012- йил 13-августдан) билан оқибати оғир бўлган бахтсиз ҳодиса содир бўлган. Воқеа тафсилоти: 2022-йил 3-Январ тахминан соат 01-00 ларда Нукус станциясининг 6-йўлига келган №3473 сонли тоқ йўналишдаги поездига 27 дона вагонни улагандан сўнг 67338533 сонли вагоннинг бир дона люки очилиб кетиши оқибатида 31-сонли стрелка крестовинасининг орқа томони йўлларга қараган йўналишларига шебен тўкилади ва 4- йўлга қараган томони ногабарит бўлиб қолади. Ушбу вагонни қўзғатиш имкони бўлмаганлиги сабабли 6-йўлдаги вагонларни 4-йўлга ўтказиш мақсадида 6-йўлдан 15 дона вагонни станциянинг М 23 сигналигача тортиб туриб 4-йўлдаги ногабарит бўлган шағални юк қабул қилиб топширувчи К.Кудайберганов ва бош кондуктор Б.Сагиндиковлар ногабарит тўкилган шағални тозалаётган пайтда машинист Г. Алмуратов ТЭМ-2 русумли 3312 сонли тепловозни 15 та вагони билан номаълум сабабларга кўра буйруқсиз харакатга келтиради ва ушбу вақтда йўлги ногабарит шағаллардан тозалаётган юк қабул қилиб топширувчи К.Кудайберганов вагон люки келиб уруши оқибатида вагон тагига тушиб қолади. Бош кондуктор Б.Сагиндинов тепловоз машинистига тўхташ сигналини беради. Юк қабул қилиб топширувчи К.Кудайбергановга 1-тиббий ёрдам кўрсатилиб Республика шошилинч тез ёрдам маркази Қорақалпоғистон филиалига олиб борилади ва у ерда шифокорлар томонидан кўрикда “қўшалоқ жарохат” яни умуртқа поғонаси 5-6-7 кўкрак қисми суякларининг хамда орқа мия функцияси бузилмаган холдаги компрессион (босим остидаги)синиши, тўш суяги проксимал қисмининг (юқори қисми) силжимаган ёпиқ синиши ўпка тўқималарининг икки тарафлама лат ейиши, юз чакка қисми юмшоқ тўқималарининг лат ейиши, мия чайқалиши ташхиси қўйилди. Бахтсиз ходиса тафсилотлари ўрганилмоқда.
Ўрта оғир	2022 йил 26- Январ куни йўл хўжалиги боқармасига қарашли 17-сонли Йўл машина станцияси (ПМС-17) йўл таъмирловчиси Рустамов Шокир Бозоривич (Навоий вилояти Қизилтепа туманида 1985 йил 31 декабр куни туғилган, оилали 3 нафар фарзанди бор, темир йўлда иш стажи 2008- йил 02-январдан) билан оқибати оғир бўлмаган бахтсиз ҳодиса содир бўлган.