6 sinf Adabiyot (2009-yil nashri)

CHO‘LPON

1. «Kecha va kunduz» romaniga tugal badiiylik baxsh etgan eng muhim omil shundaki, Cho‘lpon xalq hayotining badiiy tahlilini ham, ijtimoiy hayot haqidagi o‘zining mulohazalari

va xulosalarini ham biron o‘rinda yalang‘och aytishga urinmaydi – bularning bari romanda jonli odamlar, ularning taqdiri, xarakterlari mantiqi vositasida ochiladi». Ushbu fikrlar muallifini ayting. Ozod Sharafiddinov, O‘zbekiston Qahramoni

2.«Cho‘lponning ulug‘vorligi shundaki, u XX asr o‘zbek adabiyotini yangi pog‘onaga ko‘tarib, o‘zbek adabiy tilining shakllanishi va ravnaq topishiga ulkan hissa qo‘shibgina qolmasdan, xalqda «Vatan», «Millat», «Istiqlol» tushunchalarining teran ma’no kasb etishiga ham mislsiz darajada katta ta’sir ko‘rsatdi. O‘zga so‘zlar bilan aytganda, u xalqda hurriyat tuyg‘usini uyg‘otdi, uning ko‘zidagi g‘aflat pardasini olib tashladi, unda Vatanga muhabbat, kelajakka ishonch hislarini tarbiyaladi. Uning fuqarolik jasorati xuddi shundadir». Cho‘lpon haqidagi ushbu jumlalar kimga tegishli? Naim Karimov, akademik

3. Cho‘lpon 30-yillarda qaysi asari ustida jiddiy ishlaydi? «Kecha va kunduz» romani

4. «Milliy adabiyotimizda zamonaviy nasrchilik endigina shakllanayotgan pallada ijod qilgan Cho‘lponning ijodiy izlanishlari nasrimizning poetik arenasini boyitishga sezilarli hissa bo‘lib qo‘shildi. Cho‘lpon o‘z ijodi bilan nasriy janrlarning turfa imkoniyatlarini namoyon qildi, turli poetik usul va vositalarni dadil tajriba qilib, ularning milliy adabiyotimizda o‘zlashib qolishiga puxta zamin hozirladi». Ushbu fikrlar muallifini ayting. Dilmurod Quronov, adabiyotshunos

5. Cho‘lpon qalamiga mansub bo‘lgan hikoyalarni ayting.

«Qurvoni jaholat», «Qor qo‘ynida lola», «Novvoy qiz», «Oydin kechalarda»

6. 1936-yil Cho‘lponning qaysi romanining birinchi qismi alohida kitob shaklida bosilib chiqdi?

«Kecha va kunduz» romani

7. Cho‘lponning ijodiy biografiyasida ham, o‘zbek romanchiligi tarixida ham alohida o‘rin tutgan asari qaysi? «Kecha va kunduz» romani

8. Cho‘lpon qaysi asarida XX asr boshlaridagi Turkiston ijtimoiy muhiti, xususan, chorizmning bosqinchilik siyosatining ichdan yemirilib borayotgani, mahalliy amaldorlarning razil qilmishlarini real aks ettiradi. Muallif millatparvar adib sifatida o‘zbek xalqining turmushida boshlangan ijtimoiy-siyosiy, ma’naviy ma’rifiy o‘zgarishlarni, yuragini o‘rtagan hayotiy muammolarni zo‘r mahorat bilan bayon etadi? «Kecha va kunduz» romanida