6-mavzu yengil avtomobil-taksilar ishini tashkil etish

So‘rovnoma usulida haydovchi yo‘lovchilardan so‘rash orqali maxsus jadvalni to‘ldiradi(masalan,siz necha marta taksidan foydalanasiz).
Qayd qilish usulida to‘xtab turish joylarida taksilarni kelib ketishi, yo‘lovchilarni kutish vaqtlari kabi ma’lumotlar jadvalda qayd qilinadi.
Ko‘z bilan kuzatish usulida talab nazorat orqali amalga oshiriladi.
Jadval usulida taksi haydovchisi taksiga chiqayotgan va tushayotgan yo‘lovchilar sonini belgilab boradi.
Operativ usulda talab haydovchilardan so‘ralib aniqlanadi.
Statistik usul yo‘l varaqalarini qayta ishlash orqali amalga oshiriladi.


2. Taksilarning to‘xtash joylari
Yengil avtomobil-taksilarning ish unumdorligi va ayniqsa yo‘lovchilarga transport xizmatini ko‘rsatish sifati ularning to‘xtab turish joylarini qanday joylashtirilganiga bog‘liq bo‘ladi. To‘xtab turish joylarini shunday joylashtirish kerakki, unga buyurtma berilganida mijozni olish uchun yuriladigan masofa 2kmdan ko‘p bo‘lmasin.
Taksi to‘xtash joy­lari yo‘lovchilarning ko‘p to‘planadigan joylarida,te­mir yo‘l shoh bekati, aeroport, teatr, savdo markazi, metro bekatlari va ayniqsa,bozorlar yaqinida tashkil etiladi.
Taksi to‘xtash joyi sonining ko‘payishi yengil avtomobil taksining yo‘lovchisiz yurish masofasini va buyurtmaga etkazib berish vaqtini kamaytiradi.
Yengil avtomobil taksi to‘xtash joyi quyidagi belgilariga qarab ajratiladi:
-joylashuv joyiga qarab-Shahar,Shahar atrofi, bozor yonidagi va hokazo;
-doimiy yoki vaqtinchalik (faqat ma’lum soatlarda) to‘xtash joylari;
-yo‘l yoqasidagi, yarimcho‘ntak yoki to‘liqcho‘ntak to‘xtash joylari;
-er ostida,er bilan bir sathda,er ustida;
-bir qavatli yoki ko‘pqavatli;
-parallel,burchaksimon, perpendikulyar va hokazo.
Bir paytda to‘xtab turishi zarur bo‘lgan taksilarning soni ularga bo‘lgan talabni o‘rgnish orqali aniqlanadi.
Taksilarning to‘xtash joyini joylashtirishda va ularda harakatni tashkil etishda birinchi galda O‘zbekiston Respublikasi “Yo‘l harakati xavfsizligi to‘g‘risida” gi Qonunda belgilab qo‘yilgan talablar bajarilishiga alohida e’tibor berilishi kerak. Buning uchun taksilarning to‘xtash joylari yo‘l harakati xavfsizligi xizmati organlari bilan kelishilgan holda yo‘l chiziqlari va belgilari bilan ta’minlangan bo‘lishi kerak .