6-мавзу: режалаштириш ва прогнозлаш

Узлуксизлик тамойили башорат бажарилганидан кейин келиб тушган қўшимча ахборотларни тизимли йиғиш ва қайта ишлаш ва зарур бўлганида башоратлашга зарур тузатишларни киритишдан иборат.
Тўғридан-тўғри аниқлик тамойили ахборотларни энг қисқа йўл билан бир ижрочидан иккинчисига қатъий мақсадга мувофиқ ҳолда узатишни назарда тутади.
Автоматлилик тамойили дастлабки ахборотларни йиғиш ва қайта ишлаш ва башоратлашни бажариш учун меҳнат харажатлари ва вақтни қисқартириш учун энг асосий ҳисобланади.
Ўхшашлилик тамойили самарали фойда ва уни олиш харажатлари ўзгаришининг намоён бўлган тенденциясини амалга ошириш эҳтимолини аниқ баҳолашга ёрдам беради.
Бошқарувчанлик тамойилидан фойдаланиш учун сифат ва харажатлар кўрсаткичларини миқдорий баҳосидан, иқтисодий-математик услублардан ва бошқарув моделларидан фойдаланиш зарур.
Башоратлашнинг муқобиллилик тамойили объектнинг, унинг алоҳида компонентларининг ва конструкция ёки технологияда жамланган у ёки бу тамойилдан фойдаланишга боғлиқ ҳолда турли шарҳлар ва турли харажатлар бўйича маҳсулот тайёрлаш технологиясининг ривожлантириш имкониятлари билан боғлиқ. Башоратлашнинг эҳтимоллилик характери башорат қилинаётган тенденциялар барқарорлигини сақлаган ҳолда фавқулотда жараёнлар ва оғишларнинг мавжудлигини акс eттиради. Муқобилларнинг шаклланиши истеъмолчиларнинг маълум бир eҳтиёжлари қондирилишининг аниқ мақсадларига ва бу мақсадларга эришиш харажатларини қисқартиришга таъсир кўрсатади.
Башоратлашнинг мослашувчанлик тамойили тизим сифатида объектнинг ташқи ва ички муҳити омилларини ўрганиш ва ундан максимал фойдаланишдан, бу омилларнинг башоратлаштириш услублари ва параметрларига, маълум бир вазиятга мослашишидан иборат.
Самарали фойда ва жами харажатлар элементларини башоратлаш маҳсулот сифати ва самарадорлигини режалаштириш тизимининг ажралмас таркибий қисми ҳасобланган ҳолда унда маҳсулот сифатини оширишнинг объектив тенденцияларини ва у билан боғлиқ харажатларни баҳолаш асосида эҳтимоллилик, вариантлилик, (муқобиллик) олдиндан кўра билиш функцияларини бажаради. Башоратли ишланмалар мажмуали мақсадли дастурларнинг ажралмас таркибий қисми ҳисобланади.