6-мавзу: Маънавий-маърифий ишларининг такомиллашуви тарбиянинг асоси Маънавий-маърифий ишларни ташкил этишда маънавият, маърифат, мафкура ва дин масалаларининг ўзаро уйғунлиги. Маънавий-маърифий ишларнинг асосий йўналишлари

Бу парчаланишни Ф.Фукуяма «чегаралар йўқ» шиорига таянган ва «поп-маданият» оркали сингдирилаётган «поп-психология» таъминлаётганини айтади.

глобаллашув жараёни ва ахборотга эгалик

Бугунги глобаллашув жараёни кимки ахборотга эгалик қилса, ўша дунёга ҳукмронлик қилади, деган фикр бежизга айтилмаганлигини тасдиқлади. Ҳозир дунёнинг бир қанча давлатларида ядро қуроли ишлаб чиқариш бўйича ҳаракатлар давом этаётган бўлса, бир қатор мамлакатларда эса ахборот хуружларини уюштириш устида иш олиб борилмоқда. Айниқса, маънавий таҳдид ва ёшлар онгини эгаллашга қаратилган ахборот хуружлари кун сайин авж олмоқда

Ахборот таҳдиди нима?

Ахборот таҳдиди шундай бир универсал характерга эгаки, унинг барча бошқа соҳаларга жиддий салбий таъсир қилиш имконияти бор: шахс дунёқарашига, жамият барқарорлигига, давлат тинчлигига, жамоатчилик фикрини чалғитишга ва оҳири оқибатда ҳар бир мамлакатнинг маънавий, сиёсий, иқтисодий, маданий юксалишига ҳам. Чунки ахборотнинг жамият, ташкилот, оила, шахс онгига кириб келиши унча ҳам кўзга ташланмайди. Ижобий ва салбий ахборотни фарқлаш, яхши маълумотни ўзлаштириш ва зарарлисини рад этиш учун инсон онги ривожланган, унинг ўзи эса мустаҳкам иродали бўлиши зарур.

ахборот хуружнинг худудий жиҳатлари

ахборот хуружни ҳудуд жиҳатдан олтита асосий турга ажратиш мумкин:

• умумсайёравий (бир қутбли, яъни “однополярный” дунёни ташкил этишга ҳаракат қилувчи давлатлар томонидан амалга оширилади);
• қитъавий (Осиё ёки бошқа китъага нисбатан);
• минтақавий (ўзаро чегарадош, масалан, Марказий Осиё мамлакатларига нисбатан);
• давлат (Ўзбекистон)га нисбатан;
• Давлат ичидаги минтақавий (масалан, Фарғона водийси);
• маҳаллий (вилоят, шаҳар, туманга нисбатан).

Ахборот хавфсизликнинг шахсга таъсир этувчи восита ва усуллари

Ахборот хавфсизликнинг шахсга таъсир этувчи восита ва усуллари аслида кўп, лекин анъанавий равишда улар учта асосий турга бўлинади:

• давлат
• ОАВ
• норасмий мулоқотдаги ахборот.