6-Mavzu. Falsafaning metod, qonun va kategoriyalari. Reja

O’zaro  aloqa. 

Real  voqyelikda  har  bir  muayyan  obyekt  ko’p  sonli  sababiy 

zanjirlarning  murakkab  «tuguni»  hisoblanadi.  U  boshqa  obyektlardan  ta’sirlanish 

bilan bir vaqtda o’zi ham ularga aks (reaktiv) ta’sir ko’rsatadi. «Tashqi» va «ichki» 

sababiy zanjirlar unda uyg’unlashadi, kesishadi va tarmoqlanadi. Ular bir-biri bilan 

o’zaro  aloqaga  kirishadi  va  bu  o’zaro  aloqa  obyektda  yuz  beruvchi  barcha 

jarayonlarning negiziga aylanadi.  

Obyektni bilish uchun pirovard natijada unda vujudga kelgan sababiy aloqalar 

«tuguni»ni  yechish  talab  etiladi.  Barcha  hodisalar  mohiyatiga  izohni  o’zaro 

aloqadan  izlash  kerak.  U  hodisalarning  barcha  xossalari  va  xususiyatlarini 

belgilaydi,  amalda  mavjud  bo’lgan  barcha  imkoniyatlar,  tasodiflar  va 

zaruriyatlarning  manbalarini  o’zida  mujassamlashtiradi. 

O’zaro aloqani tushunish 

– umuman obyektni tushunish demakdir.  

Ammo  har  qanday  obyekt  boshqa  obyektlar  bilan  o’zaro  aloqa  qilgani  bois, 

uning  barcha  o’zaro  aloqalarini  bilish  uchun  undan  boshqa  obyektlarni 

o’rganishga, ulardan – uchinchi obyektlarga o’tishga to’g’ri keladi va h.k. Ayrim 

obyektning  tabiatini  belgilovchi  o’zaro  aloqani  bilish  jarayoni  cheksizdir.  Paskal 

ta’biri bilan aytganda, to’g’nag’ich kallagini bilish uchun butun Olamni bilish talab 

etiladi.