6-mavzu. Axborot tizimlari va nazorat asosida qaror qabul qilish axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirish chora-tadbirlari to‘G‘risida

9-bob. Davlat inspeksiyasi faoliyatini moliyalashtirish va moddiy-texnik ta’minlash, uning xodimlari mehnatiga haq to‘lash va ularni moddiy rag‘batlantirish
43. Axborot-kommunikatsiya texnologiyalarini rivojlantirish jamg‘armasining mablag‘lari va qonun hujjatlariga muvofiq boshqa mablag‘lar Davlat inspeksiyasi faoliyatini moliyalashtirish manbalari hisoblanadi.
Joriy ta’minot (ish haqiga davlat qo‘shimcha to‘lovlari va ustama pullar saqlangan holda), Davlat inspeksiyasi moddiy-texnika bazasini mustahkamlash va xodimlarning mehnatini qo‘shimcha moddiy rag‘batlantirish bo‘yicha xarajatlarni moliyalashtirish Axborot-kommunikatsiya texnologiyalarini rivojlantirish jamg‘armasining mablag‘lari va qonun hujjatlariga muvofiq boshqa mablag‘lar hisobidan O‘zbekiston Respublikasi Moliya vazirligi bilan kelishilgan holda tasdiqlangan smeta doirasida amalga oshiriladi.
44. Davlat inspeksiyasi xodimlarining mehnatini qo‘shimcha moddiy rag‘batlantirish Davlat inspeksiyasi boshlig‘i tomonidan tasdiqlangan Nizomga muvofiq O‘zbekiston Respublikasi Moliya vazirligi bilan kelishilgan holda tasdiqlangan smeta doirasida amalga oshiriladi.
Bunda Davlat inspeksiyasi xodimlarining mehnatini rag‘batlantirish to‘g‘risidagi Nizomda ularning lavozim maoshlariga mehnatning alohida sharoitlari uchun 200 foiz oylik ustama belgilanishi ko‘zda tutiladi.
45. Davlat inspeksiyasining markaziy apparatiga 8 ta, shu jumladan 4 ta biriktirilgan, 2 ta navbatchi, 2 ta maxsus avtomobil, hududiy boshqarmalarga — 14 ta maxsus avtomobildan iborat xizmat avtomobil transporti limiti ko‘zda tutiladi.
Xizmat avtomobillarining yillik yo‘l bosish limiti 36 500 km etib belgilanadi.
10-bob. Yakunlovchi qoida
46. Davlat inspeksiyasi qonun hujjatlarida belgilangan tartibda qayta tashkil etiladi va tugatiladi.
O‘zbekiston Respublikasi Prezidentining 2018-yil 21-noyabrdagi PQ-4024-son qaroriga
2-ILOVA
O‘zbekiston Respublikasi Axborotlashtirish va telekommunikatsiyalar sohasida nazorat bo‘yicha davlat inspeksiyasining
TUZILMASI

Markaziy apparat xodimlarining cheklangan umumiy soni — 88 birlik, shundan:
boshqaruv xodimlari — 26 birlik;
ishlab chiqarish xodimlari — 62 birlik.
Texnik va xizmat ko‘rsatuvchi xodimlar soni belgilangan normativlarga muvofiq aniqlanadi.
O‘zbekiston Respublikasi Prezidentining 2018-yil 21-noyabrdagi PQ-4024-son qaroriga
3-ILOVA