2 laboratoriya ishi navbatchi mexanik bo‘limining ishini o‘rganish. Ishdan maqsad

2 - LABORATORIYA ISHI
Navbatchi mexanik bo‘limining ishini o‘rganish.


Ishdan maqsad: Navbatchi mexanik bo‘limi ishini tashkil qilishni o‘rganish.
Kerakli jihozlar: yo‘riqnomalar, rejalar grafiklar.
Nazariy qism.
Talaba ushbu ishni bajarish uchun avtokorxona navbatchi mexanigini quyidagi vazifalarini bilish va bajarishi kerak.
Avtotransport korxonalarida navbatchi mexanik xizmati avtomobillarni ishga chiqishdan oldin KXK, sanitar texnik va avtomobil jihozlarini texnik soz holda ushlab turish bilan bog‘liq funksiyalarni bajaradi.


Navbatchi mexanikning burchagi
1. Transport vositalarini ishga chiqishda va ishdan qaytishda texnik holatni tekshirish, texnik sog‘ transport vositasini o‘z vaqtida ishga chiqarish.
2. Transport vositasidagi buzuqlikni aniqlash va o‘z vaqtida ta’mirlashga, texnik qarov yuborish.
3. Yo‘l varaqasiga quyidagilarni tekshirish va yozish.
- garajdan chiqayotgan va qaytayotgan avtolmobilni xaqiqiy spidometri ko‘rsatkichni yozish;
- yoqilg‘i bakidagi yonilg‘i qoldig‘ini aniq yozish.
- yuqoridagilarni aniqligini tasdiqlab imzo qo‘yish.
4. Haydovchi ishga chiqishda tranport vositasini texnik sog‘ deb imzo qo‘yish.
5. Ishdan qaytgan avtomobilni qabul qilib olish va yo‘l varaqasiga imzo qo‘yish.
6. Ishga chiqqan avtomobillar haqida har kuni bosh muhandisga hisobot berish.
7. Ta’mirlashda avtomobillarni ishga tayyorlashni nazorat qilish.
8. Yo‘l sharoiti to‘g‘risida haydovchilarni ogohlantirish va kerak bo‘lsa, yo‘l varaqasiga tegishli yozuvlar yozish.
9. Har bir avtomobil uchun shaxsiy varaqa (lisovaya kartochka) yuritish.




Hisobot yozish.
Farg‘onatrans asosiy uyushmasiga qarashli Farg‘ona avtokombinatning bosh mexanigi ishini yozma taxlil qilish va boshqarish jarayonini chizish. (sxema)