6-ma'ruza. Мавзу: Кончилик электр механикаси йўналишининг умумий тавсифи

6-ma'ruza.
Мавзу: Кончилик электр механикаси йўналишининг умумий тавсифи.
РЕЖА:
1. Кончилик электр механикаси йўналиши бакалаврининг касбий фаолияти ва соҳасининг тавсифи.
2. Касбий мослашиш ва ўқишни давом эттириш имкониятлари.
3. Билим даражаси ва унга қўйиладиган талаблар.

“Кончилик электр механикаси” таьлим йўналишининг умумий тавсифи.

“Кончилик электр механикаси” таьлим йўналишининг умумий тавсифи. “Кончилик электр механикаси” таьлим йўналишининг тарихи ТошДТУнинг тарихи билан чамбарчас боғлиқдир. 1920 – йил Тошкентда Туркистон давлат университети ташкил қилинди. 1921 – йил унинг таркибида кончилик бўлими тузилди. 1923 – йили университетнинг номи Ўрта Осиё давлат университетига алмаштирилди. 1930 – йили геология ва кончилик кафедралари асосида Ўрта Осиё геология қидурув институти ташкил қилинди. 1933 – йили ОТМ кончилик институтига айлантирилди. 1934 – йили Ўрта Осиё индустриал институти ташкил қилинди. Кончилик институти ўзининг барча бўлимлари билан унинг таркибига кончилик факултети сифатида киритилди. 1949 – йили Ўрта Осиё индустриал институти, Ўрта Осиё политехника институти деб қайта номланди. 1961 – йилда Тошкент политехника институти номи берилди. 1973 – йил сентябр ойида туғилганига 1000 йил тўлгани муносабати билан ТошПИга ўрта асрларнинг улуғ алломаси энциклопедист – олим Абу Райхон Беруний номи берилди.

5312200 – Кончилик электр механикаси таълим йўналишнинг
умумий тавсифи
Йўналиш - Ўзбекистон узлуксиз таълим Давлат таълим стандартлари, Олий таълимнинг Давлат таълим стандарти, Олий таълим йўналишлари ва мутахассисликлари классификаторига киритилган.
Таълимнинг кундузги ўқиш шаклида муддати – 4 йил. Академик даража – «Бакалавр».
Бакалавр:
касблар ва лавозимлар миллий классификаторига мувофиқ олий маълумотли шахс эгаллаши лозим бўлган лавозимларда таълимнинг ушбу йўналиши бўйича мустақил фаолият кўрсатишга;
таълим йўналиши ҳамда турдош таълим йўналишларининг магистратура мутахассисликлари бўйича олий таълим олишни давом эттиришга;
кадрларни қайта тайёрлаш ва малака ошириш тизимида қўшимча касбий таълим олишга тайёрланган бўлиши шарт.