6-маьруза Қурилиш композицион полимер материаллар ва уларнинг турлари. Энергия ва ресурс тежамкор технологиялари – валцовкалаш, каландрлаш, экструзиялаш, пресс-қолиплаш, штамповкалаш ва бошқА. Хоссалари

Глифтал (алкид) линолеум матоли асосда узунлиги камида 20м, эни 1,8-2,0 м ва қалинлиги 2,5-5 мм ўлчамларда ишлаб чиқарилади. Глифтал линолеумлар рангли ёки босма расмли бўлади. Улар асосан ёрдамчи биноларда поллар барпо этиш учун ишлатилади.

Коллоксилин (нитроцеллюлоза) линолеуми асоссиз ҳолда, узунлиги 20 м, эни 1-1,6 м ва қалинлиги 2-4 мм ўлчамларда чиқарилади. Улар қизил ва жигар рангида бўлади.

Коллоксилин линолеуми нурга, намга, совуққа чидамли, эластиклиги ва эгилувчанлиги юқори, едирилишга бардошли бўлади, экплуатация жараёнида зарарли бирикмаларни ажратиб чиқармайди. Улар ёнувчан бўлгани учун боғча, мактаб, театр каби биноларда ишлатилмайди.

Резинали линолеум (релин) икки қатламли ўрама материал бўлиб, пастки қатлами аввал ишлатилган резина кукуни ва нефт битуми, асбест ва ип-газлама дисперс арматуралардан озгина миқдорда қўшилган, вулканизацияланган аралашмаси қотишмасидан иборат. Релиннинг юпқа (1-1,5 мм) ва мустаҳкам устки қисми синтетик каучук асосида кукун тўлдиргич қўшиб тайёрланган рангли резинадан ташкил топган.

Релин узунлиги камида 12 м, эни 1-1,6 м ва қалинлиги 3 ва 5 мм ўрама ҳолда чиқарилади. Релин иссиқлик ва товуш изоляцияси хусусиятга эга бўлиши учун қалинлиги 4-6 мм ли ячейкали ғовак асосда тайёрланади. Релин рангли, мармарсимон суратли ҳолда бўлади. У сув, кислотали ва ишқорли қоришмалар таъсирига чидамли, электр токи зарядларини тўпламайди ва учқунланмайди.

Релин асосида жамоат ва саноат бинолари, ёрдамчи хоналар ва бошқа агрессив муҳит таъсирида бўладиган хоналарнинг полларини қоплашда ишлатилади.

Тукли синтетик гилам икки қатламли ўрама материал бўлиб, устки қатлами эса кўпиртирилган иссиқлик изоляцияси табиий ва синтетик полимерлар (полиуретан) ва латекслардан иборат бўлади. Гилам қопламанинг умумий қалинлиги 8 мм бўлса, капрон тукнинг баландлиги 3 мм, кўпиртирилган асос баландлиги 5-6мм.

Гилам узунлиги 12м гача, эни 1-4 м гача ва қалинлиги 8 мм бўлган ҳолда тайёрланади. Гилам ранги турлича бўлиши мумкин.

Тукли синтетик гилам иссиқлик изоляцияси ва товуш ютувчи, ейилишга бардошли, мустаҳкам, намлаб тозалаш мумкин бўлган материалдир. Асосий хусусиятлардан бири олов таъсирида ёнмасдан, фақат эрийди.

Синтетик гилам хонага қуруқлайин тўшалади ва ҳар томонидан махсус профилли плинтуслар билан маҳкамланади. Улар асосида меҳмонхоналар, аудиториялар, кино-концерт заллари, театр бинолари поллари қопланади.