6 -lekciya. Jabıq gorizontal drenaj qurıwshı mashinalar. Joba

6 -lekciya. Jabıq gorizontal drenaj qurıwshı mashinalar.
Joba:
1.Zamanagóy jabıq gorizontal drenaj (zavur) qurıwshı mashinalar (drenaj jatqızgıshlar) túrleri hám klassifikatsiyasi. Drenaj qurıw usılları.
2.Drenaj trubaların jatqarıwshı mashinalar. Drenaj qurıwda atqarılatuğın kompleksli jumıslar túrleri.
3.Tuynukli drenaj qurıwshı mashinalar.
4.Drenaj tazalaytuğın mashinalar. Xandaksiz usılında drenaj qurıw mashinalar. Olardıń qollanılıw sharayatları.
Zamanagóy jabıq gorizontal drenaj (zavur) qurıwshı mashinalar (drenaj jatqızgıshlar) túrleri hám klassifikatsiyasi. Drenaj qurıw usılları.
Kebirlengen jerlerdiń kebirin juwıw hám de jer astı suwınıń kóteriliwiniń aldın alıw maqsetinde ashıq yamasa jabıq drenajlardan paydalanıladı.
Ashıq drenajlar (ayırım jağdaylarda kollektor yamasa zahkashlar dep te júritiledi) jer astı gruntlarınıń onsha tığız bolmağan, suw otırğızıw qábileti jaqsı bolğan maydanlarda qurılıp, hár eki, úsh jılda olardı shógindi hám túrli shópńerden tazalap turıwdı talap etedi. Ashıq gorizontal drenajlar iyelegen maydanlar awıl xojalığı eginlerin egiwge mólsherlengen ulıwma jer maydanların shegaralawğa alıp keledi. Bul bolsa jerlerden paydalanıw koeffisientiniń azayıwına sebep boladı.
Jabıq gorizontal drenajlar tiykarınan jer astı gruntlarınıń suw ótkeriw múmkinshiligi kem bolğan sharayatlarda qollanıladı.
Jabıq gorizontal drenajlardıń qurılısı eki usılda ámelge asıriladı: olardan biri yarım mexanizasiyalasqan dep júrgizilip, ol tiykarınan turaqlı bolmağan gruntlarda, oğada qattı gruntlı orınlarda hám jer astı suwinıń jer sırtına júdá jaqın bolğan orınlarda qollanıladı.
Yarım mexanizasiyalasqan deliniwinıń sebebi, drenaj xandeklerin qazıw hám qazıp shığarılğan topıraqtı qayta ko'miw mexanizmler járdeminde ámelge asırılıp, drenaj transheyasın qazıw, súzgish hám trubalardı ornatıw qol kúshi járdeminde atqarıladı (6.1-súwret).