5A140 501-Kimyo (fan yo‘nalishlari bo‘yicha) mutaxassisligi Qodirova Gullolaxon Adhamovnaning yurak kasalliklarini davolashda ishlatiladigan dorivor o‘simliklar tarkibidagi kaliy va magniy miqdorini tadqiq qilish

2- BOB. Dorivor oʻsimliklar kimyoviy tarkibini oʻrganish
2.1 Fargʻona vodiysida oʻsadigan yurak kasalliklarida qoʻllaniladigan dorivor oʻsimliklarni tanlash
Jahon sog‘liqni saqlash tashkilotining ma’lumotlariga ko‘ra yurak-qon tomir tizimi kasalliklari dunyodagi o‘limning asosiy sababidir. Dunyoda yiliga 17 millionga yaqin odam yurak va qon tomiri xastaligidan vafot etadi, bu o‘lim tamoyilining asosi bo‘lib saraton va qandli diabet bilan bir qatorda tez-tez uchraydigan va xavfli kasalliklar qatoriga kiradi. Yurak-qon tomir tizimining ko‘plab kasalliklarini tashxislash va davolashda sezilarli yutuqlarga qaramay, butun dunyoda, shu jumladan O‘zbekistonda ham bu kasallik kattalarda ham, bolalarda ham uchramoqda.
Ko‘plab tadqiqotlar natijalari shuni ko‘rsatadiki, etnopatogenetik sabablardan biri atrof-muhit omillarining ta’siri bo‘lishi mumkin: sanoat korxonalari va transport vositalaridan chiqindilar, nurlanish agrizasiyasi, qishloq xo‘jaligini kimyoviylashtirish, bo‘yoqlar, konservativ va boshqa kimyoviy qo‘shimchalardan foydalanish va ishlab chiqarish oziq-ovqat mahsulotlari, shuningdek tanada har qanday kerakli element yetishmasligi bo‘lishi mumkin, buning natijasida metabolik murakkab funksional va organik buzilishlar sodir bo‘lishi mumkin.
Aslida, deyarli har bir kasallik bioelementoz bo‘lib, ya’ni tananing element miqdorini buzilishidir. Gomeostaz odam organizmidagi muhim essensial elementlar (hayot uchun zarur makro- va mikroelementlar) yetishmasligi yoki ortib ketishi bilan ham buzilishi mumkin (1-jadval), shuningdek, havo, oziq-ovqat va suv orqali toksik va potensial zaharli moddalarning inson organizmiga tushishi ham o‘tkir va surunkali kasalliklarni keltirib chiqaradi.
1-Jadval .
Ba’zi elementlarning asosiy ekologik va fiziologik ma’lumotlari