5-tema: Mektepke shekemgi tálim baģdarı boyınsha metodikalıq pánlerden oqıw metodikalıq kompleksler tayarlaw

II-bólim. Oqıw páni boyınsha reje tapsırmalar hám oqıw-metodikalıq materiallar toplamı. Berilgen oqıw shınıģıw tuwralı maģlıwmattı, tiykarınan kózlenip atırģan oqıw nátiyjeleri, óz betinshe jumıs ushın tapsırmalar; olardı orınlawdı támiyinlewshi oqıw material hám metodikalıq usınıslar; oqıw orınlarınıń ózleri tekseriw ushın test, tapsırma hám sorawlardan ibarat. Talabanıń oqıw shınıģıwına erkin tayarlanıwında hám oqıw processi waqtında onıń óz betinshe xızmetin shólkemlestiriwshilik-didaktikalıq jaqtan támiyinlew wazıypasın atqaradı. Oqıw jetiskenliklerin turaqlı túrde ózi qadaģalawın támiyinleydi.
Pán boyınsha glossariy-tiykarı bólim hám atamalar sózligi.
Oqıw páni boyınsha talabanı oqıw nátiyjeleriniń jetiskenlik qaģazı-talaba tárepinen reyting ballarınıń toplanıwı haqqında tezlik maģlıwmatlardı alıwın támiyinleydi.
Oqıw páni boyınsha talabaģa mólsherlengen oqıw metodikalıq kompleksti islep shıģıwdıń jolı hám quralları.
Talabanıń OMK tómendegilerden kelip shıģıp islep shıģılıwı kerek:
1) oqıw maģlıwmatınıń maqseti, dúzilisi, mazmunı hám kólemi.
2) talabaģa MTS tárepinen belgilengen, berilgen shárayatta hám oqıw rejesinde belgilengen waqıtta tálim maqsetlerine erisiwin kepillewshi pán boyınsha tálim texnologiyası.
Oqıw páni boyınsha talabalardıń óz betinshe jumısların shólkemlestiriw ushın OMK dúzilisi hám mazmunınıń kórsetkishleri.
1. Reje-tapsırma-hár bir oqıw shınıģıwı ushın keste dúziledi. Keste kórinisinde orınlap, tómendegi maģlıwmatlardı óz ishine aladı:
1.1. Temanıń atı, oqıw shınıģıwınıń forması hám túri.
1.2. Oqıw shınıģıwınıń dúzilisi, alıp barıw rejesi.
1.3. Oqıw shınıģıwı maqseti.
1.4. Talabanıń oqıw isleri nátiyjeleri-bilim beriw nátiyjesinde talabanıń islewi tiyis bolģan háreketler. Olar anıq hám feyillerde (…aytadı, …sanap beredi, … túsindiredi h.t.b) kórsetip, alınģan nátiyjelerdi birdey mánide hám ádil bahalaw, olardı belgilengen maqsetke mass keliwin anıqlaw imkaniyatın beredi.
1.5. Óz betinshe tayarlıq ushın tapsırma. Olar qısqa máslahat hám olardı orınlaw boyınsha usınısnamalardan ibarat bolģan-aytıp beriw menen beriliwi múmkin.
1.6. Qadaģalaw forması: Qadaģalaw, oqıw tapsırmaların orınlaw, soraw-juwap forması, test h.t.b.
1.7. Oqıw páni boyınsha talaba alıwı múmkin bolģan, eń joqarı ball. Oqıw páni boyınsha talaba alıwı múmkin bolģan haqıqıy ball.
2. Oqıw metodikalıq materiallar oqıw shınıģıwlarınıń maqseti hám mazmunına tısqarı, bilim beriw texnologiyasına muwapıq tómendegilerdi óz ishine aladı:
2.1. Oqıw materiallar: lekciyanıń qısqasha (tayanısh) sızılma hám keste kórinisindegi jazbaları.
2.2. Oqıw toparı ushın tapsırma, olardı orınlawdıń kórsetkish hám bahalaw sistemaları.
2.3. Talabalar oqıw jumısı processinde ámel etiwi tiyis bolģan, maģlıwmat beriwshi materiallar: (aqlıy hújim, toparlarda islew) qaģıydası; (esse, referat jazıwģa) talabalar; (keys h.t.b) materiallar.
2.4. Ózin tekseriw ushın tapsırmalar (test, soraw, tapsırma hám shınıģıwlar).
Bul pedagogikalıq qadaģalawdı hám talaba tárepinen kózlenip atırģan ilimiy maqsetlerge erisiw dárejesin barqulla ózi bahalawın támiyinleydi. Aralıq hám juwmaqlawshı baqlawdıń soraw hám tapsırmaların óz ishine aladı.
Oqıw metodikalıq materiallardıń kólemi shegaralanbaydı. Biraq, olar keń kólemli, jaqsı dúziliske keltirilgen hám grafikli túrde rásmiylestirilgen bolıwı kerek.