5-tema: Mektepke shekemgi tálim baģdarı boyınsha metodikalıq pánlerden oqıw metodikalıq kompleksler tayarlaw

Sillabustıń quramlı bólimleri:
1. Professor-oqıtıwshı haqqında maģlıwmat.
2. Múrájat ushın maģlıwmatnama.
3. Prerekvizitler (Prerequisite).
4. Postrekvizitler (Postrequisite).
5. Pánniń qısqasha sholınıwı.
6. Pánniń maqset hám wazıypaları.
7. Pándi úyreniwge qoyılatuģın talaplar.
8. Kalendar-tematikaliq rejesi.
9. Lekciya hám ámeliy shınıģıwlar rejesi.
10. Talabalardıń óz betinshe jumısların ótkeriw (konsultaciya) rejesi.
11. Óz betinshe jumıslardı orınlaw hám tapsırıw kestesi.
12. Kurs jumısı temalarınıń banki.
13. Tiykarģı hám qosımsha ádebiyatlar dizimi.
14. Talabanıń oqıw isleri nátiyjelerin qadaģalawģa baylanıslı sorawlar.
15. Talabalardıń bilimin bahalaw sisteması.
16. Talabanıń reytingin belgilew shkalası.
17. Juwmaqlawshı bahalaw tártibi.
18. Talabanıń oqıw nátiyjeleriniń reytingi-ballı hám dástúriy bahalaw sisteması.
Sillabusta tek ģana talabanıń ózlestiriw zárúr bolģan pánler imkaniyatı barınsha anıq telamalar, bilim hám kónlikpeler dizimi keltiriliwi kerek.
Talabalarģa oqıw pánin mustaqıl xızmette úyreniwi hám bilimler sapalılıģın turaqlı túrde ózi tekseriwin jetilistiriwde járdem beriw ushın mólsherlengen.
Sóz bası. Bul bólimde, berilgen oqıw pánin úyreniwge kirisiwde oqıtıwshınıń talabaģa múrájatiniń dúzilisi hám onıń temasına qısqasha sholıw beriledi.
I-bólim. Oqıw pánine kirisiw. Tómendegi oqıw maģlıwmatlı materiallardan ibarat:
1) oqıw pánin úyreniwdiń aktuallıģı, maqset hám wazıypaları;
2) qániygelik boyınsha talabalar tárepinen pánniń mazmunın zárúr ózlestiriw dárejesine mámleket tálim standartlarınıń talapları.
3) Pánniń oqıw dástúri: oqıw waqtınıń ulıwmalıq kólemi hám onı temalar hám jumıs túrleri boyınsha bólistiriliwi kórsetiledi, oqıw pániniń tema jaģınan mazmunı izbe-izlikte bayan etiledi.
4) pán boyınsha qadaģalaw forması hám reytingin bahalaw.
5) tiykarģı hám qosımsha ádebiyatlar dizimi.
6) pán boyınsha bilimlerdi juwmaqlawshı tekseriw sorawları.