5-мавзу. Тадбиркорлик фаолияти билан шуғулланувчи жисмоний шахсларни солиқҚа тортиш режа

6. Фаолиятини вақтинча тўхтатган якка тартибдаги тадбиркорларнинг
кейинг ҳолати юзасидан назоратни амалга ошириш тартиби.
Фаолиятини вақтинча тўхтатган якка тартибдаги тадбиркорларнинг кейинг ҳолати юзасидан назоратни амалга ошириш тартибиЎзбекистон Республикаси Давлат солиқ қўмитаси томонидан ишлаб чиқилган услубий қўлланмага асосан амалга оширилади. Ўзбекистон Республикаси Солиқ кодексининг 373-моддасига асосан давлат рўйхатидан ўтказувчи орган томонидан фаолиятини вақтинча тўхтатган ЯТТ тўғрисида тақдим этилган ахборот туман (шаҳар) ДСИ бошлиғининг муносабат белгиси билан кирим дафтарида рўйхатдан ўтказилиб, Жисмоний шахсларга солиқ солиш бўлими бошлиғига топширилади.
Жисмоний шахсларга солиқ солиш бўлими бошлиғи томонидан 2 иш кунида участка солиқ инспектори тўлдирган 17-шакл маълумот белгиланган тартибда Солиқ ва бошқа мажбурий тўловлар тушумларини ҳисобга олиш, таҳлил қилиш ва маълумотлар базасига хизмат кўрсатиш бўлимига топширилади. Солиқ ва бошқа мажбурий тўловлар тушумларини ҳисобга олиш, таҳлил қилиш ва маълумотлар базасига хизмат кўрсатиш бўлими масъул ходими тақдим қилинган маълумот асосида бир иш куни ичида ЯТТнинг ШКда тегишли солиқ ва мажбурий тўловлар ҳисобланишининг тўхтатилишини таъминлайди ва бир нусхасини имзо қўйган ҳолда Жисмоний шахсларга солиқ солиш бўлими бошлиғига қайтаради.
Жисмоний шахсларга солиқ солиш бўлими бошлиғи рўйхатдан ўтказувчи органнинг фаолиятини вақтинча тўхтатган ЯТТ тўғрисидаги ахборотини ва унга асосан тўлдирилган
17-шакл маълумотини ЯТТнинг шахсий иш жилдига тикиб қўйиш ва унинг кейинги ҳолати юзасидан назоратни амалга ошириш учун участка солиқ инспекторига топширади.
Участка солиқ инспектори томонидан фаолиятини вақтинча тўхтатган ЯТТни кейинги ҳолати юзасидан назоратни амалга ошириш тадбирлари
Фаолиятини вақтинча тўхтатган ЯТТнинг кейинги ҳолатини назорат қилиш мақсадида участка солиқ инспекторлари томонидан ўзларига бириктирилган ҳудудда ҳар ойда камида бир маротаба мазкур ЯТТнинг ҳақиқатда фаолиятни тўхтатганлиги ёки ноқонуний равишда давом эттираётганлиги юзасидан тегишли ўзи-ўзини бошқариш органи (ҚФЙ, МФЙ) раиси (ёки ходими) иштирокида кузатув ишларини амалга оширади.
Ўтказилган кузатувнинг натижасидан қатъи назар участка солиқ инспектори томонидан мазкур услубий қўлланманинг 1-иловасига мувофиқ далолатнома тузилади.
Далолатномада қуйидаги маълумотлар ёритилиши талаб қилинади:
- кузатувни амалга оширган УСИнинг ФИШ;
- кузатув ўтказилган манзил;
- кузатув ўтказилган сана;
- кузатув натижасида аниқланган қонунбузилиш ҳолатлари батафсил ёритилиши лозим (амалга ошираётган фаолият тури, тижорат мақсадида фойдаланиётган асбоб-ускуналар ҳамда товар-моддий бойликлар, ЯТТ томонидан ижроси бузилган қонун ва қонуности (ҳуқуқий-меъёрий) ҳужжатларининг рақами, санаси, бандлари ва бошқа ҳолатлар).
Мазкур кузатув далолатномаси УСИ, МФЙ (ҚФЙ) раиси (ёки ходими) ҳамда ЯТТнинг қўшнилари ёки холис гувоҳлар, агарфаолият кўрсатиш манзили бозорлар ва савдо комплексларида бўлган тақдирда Бозорлар ва савдо комплекслари фаолиятини назорат қилиш бош бошқармаси ҳудудий бўлим инспектори ёки бозор маъмурияти ходими иштирокидатузилиши лозим.
Фаолияти вақтинча тўхтатилган бўлсада, ҳақиқатда фаолият юритаётганлик ҳолатлари аниқланганда, тузилган кузатув далолатномаси асосида Жисмоний шахсларга солиқ солиш бўлими бошлиғи ва участка солиқ инспектори 1 кун муддатда ДСИ бошлиғигабилдирги киритади.
Агар якка тартибдаги тадбиркор фаолият кўрсатиш манзили бозорлар ва савдо комплексларида бўлган тақдирда Бозорлар ва савдо комплекслари фаолиятини назорат қилиш бош бошқармаси ҳудудий бўлими бошлиғига 2 кун муддатда тегишли тадбирларни амалга ошириш учун кузатув далолатнома нусхасини юборади.