5-mavzu: kadrlarni tanlashda xalqaro me’erlardan foydalanish

AQSH modeli

AQSH modelining asosi shaxsiy muvaffaqiyat va o‘z-o‘zini band qilishga yo‘naltirilgan.
Kasbiy karyera davrida shaxs o‘z ish o‘rnini bir necha marotaba almashtiradi va shu sabablli bu model yuqori darajadagi mobillik bilan tavsiflanadi. Bu modelda kasbga yo‘naltirish masalalariga sezilarlicha e’tibor qaratiladi.
Kollej va universitetlar huzurida kasbga yo‘naltirish bo‘yicha xususiy agentliklar va maxsus malaka oshirish markazlari faoliyatko‘rsatadi.
AQSHda asosan ishsizlar safida malakasiz yoki kam malakali ishchilar asosiy ulushni egallaydi.
AQSHdagi ish bilan bandlik siyosatining asosiy yo‘nalishlari quyidagilarga qaratilgan:
- ish bilan bandlikni oshirish va ish o‘rinlarini ko‘paytirish;
- ishchilarni zamonaviy mehnat bozoriga tayyorlash va qayta tayyorlash;
- ish bilan ta’minlashni rag‘batlantirish.
AQSHda 2022 yilda ishsizlik darajasi 4 foizni tashkil etgan. Ta’kidlash kerakki, uning darajasiga friksion ishsizlik sezilarli ta’sir ko‘rsatadi. Ishchilar nafaqat o‘z ish joylari, balki kasbni ham faol ravishda o‘zgartiradilar.

Shvetsiya modeli

• Shvetsiya modeli uch asosiy tamoyilga asoslanadi: mehnatga layoqatli aholi uchun to‘liq ish bilan bandlik, aholiga ijtimoiy kafolatlar berish, farovonlikka erishish uchun teng imkoniyatlar yaratish. SHved modelining muhim xususiyati ishsizlikning oqibatlariga qarshi kurashish emas, balki uning oldini olish hisoblanadi. Yangi ish o‘rinlarini tashkil etish bo‘yicha chora-tadbirlarni ishlab chiqishda demografik holatga alohida e’tibor qaratadi va mavjud bo‘sh o‘rinlari haqida muhim axborotdan tezkor foydalanishni ta’minlaydi.

Germaniya modeli

• Germaniya (yoki neoliberal) ish bilan bandlik modelida davlat yangi ish joylarini tashkil etuvchi barcha ishlab chiqaruvchilarni (ish beruvchilarni) rag‘batlantiradi, shuningdek, korxonalarni modernizatsiya qilishda mavjud ish bilan bandlik darajasini saqlab turadi, ishchilarni ommaviy ishdan bo‘shatishdan saqlanuvchi korxonalarga imtiyozlar taqdim etadi. Germaniyada subsidiyalarning asosiy qismi bankrot korxonalar, ma’lum bilimga ega, lekin biznesni tashkil qilishda ko‘nikmaga ega bo‘lmagan ishsizlar negizida tashkil etilgan kooperativlarga yo‘naltiriladi.