5 мавзу. “Буйрак ва сийдик йўллари касалликларида ҳамшира парвариши”

Давоси ва парвариши. Парҳез, антибактериал терапия, уросептиклар, витаминлар, иммунитет оширувчилар, симптоматик даво, спазмалитиклар, тошни тушурувчи дорилар буюрилади. Тошни майдалаб тушуриш усули ҳам бор. Тош тиқилиб қолган ҳолларда жарроҳлик амалиёти қўлланилади.


Гломерулонефрит.
Гломерулонефрит буйракнинг инфекцион-иммунологик ва аллергик яллиғланиши бўлиб, буйрак коптокчалари, найчалари ва оралиқ тўқимасининг зарарланиши билан кечади. Ўткир ва сурункали бўлади.
Ўткир гломерулонефрит.
Ўткир гломерулонефрит буйрак коптокчалари, найчалари ва оралиқ тўқимасининг ўткир яллиғланишидир.
Сабаби. Кўпинча касаллик стрептококкли инфекциядан сўнг, ангина, тонзилит, юқори нафас йўллари инфекцияси, совуқотиш, терининг стрептококкли яралари, септик эндокардит, эпидемик паротит, отит, тиф, захм, пневмания, ўпка сили касалликлариданкейин келиб чиқиши мумкин.
Клиникаси. Иситма, бел ва қовуқ соҳасидаги оғриқ, сийиш камайиши, кўнгил айнаш, баъзан қусиш, бош оғриғи, қон босимининг ошиши, юракнинг тез уриши, нафас қисиши, иштаҳа пасайиши, қалтираш, танадаги оғриқ ва шиш, дармонсизлик сийдикдаги ўзгариш. Пастернацкий белгиси мусбат бўлади( бел соҳасига енгил уриш билан аниқланади).
Объектив текширганимизда сийдик тўқ қизил рангда, хира бўлади, танада шиш, айниқса юз ва қовоқ соҳасида шишлар кўп бўлади. Юрак чегаралари кенгаяди, кўпинча систолик шовқин эшитилади.
Умумий қон таҳлилида гемоглабин камаяди, лейкоцитлар ва ЭЧТ ошади, умумий сийдик миқдори камаяди, сийдикда кўп миқдорда оқсил, лейкоцитлар, эритроцитлар ва эпителиал хужайралар пайдо бўлади.
Парваришлаш ва даволаш.
Парҳез 7 стол, истеъмол қилинадиган тузни чеклаш, сийдик ажралишига қараб ичиладиган суюқлик миқдори белгиланади, тери холатига эътибор бериб ётоқ яраларини олдини олишга ахамият берилади.
Беморларни даволашда антибактериал терапия, уросептиклар, витаминлар, иммунитет оширувчилар, симптоматик даво, спазмалитиклар, гормонлар, антиаллергик дорилар, қон босимини нормаллаштирувчи дорилар, диуретиклар, антикаогулантлар ва антиагрегантлар буюрилади. Беморлар тўлиқ кузатув остида бўлишлари шарт, касалликдан соғайгандан сўнг 2 йил ичида бемор шикоятлари бўлмаса, текширув натижалари ижобий бўлса соғлом гурухга ўтказилади.