5-мавзу: Баскетбол ўйин қоидаларини ўргатиш режа: Ўйин техникаси асослари ва таснифи

Икки оёқлаб депсиниш билан сакрашни кўпроқ жойдан туриб асосий ҳолатдан 
бажаришади. Ўйинчи тезда оёқларни букади, қўлларни тирсакда бир оз букиб, орқага 
ўгиради ва бошни сал кўтаради. Депсиниш оёқларни кучли букиш билан, гавданинг ва 
қўлларнинг олдинга-юқорига кескин ҳаракати билан амалга оширилади. Югуриб келиб 
икки оёқлаб депсиниб сакрашни одатда, саватга тўп отиш пайтида ва шчитдан сапчиб 
қайтган тўп учун кураш пайтида қўллашади. 
Бир оёқ билан депсиниб сакрашни югуриб келиб бажаришади. Депсинишни 
шундай бажаришадики, югуриб келишнинг инерсия кучларидан тўла фойдаланилади. 
Депсинишдан олдин югуришнинг охирги қадамини олдингиларидан анча катта қўйишади. 
Тизза буғимларида бир оз букилган депсинувчи оёқни олдинга чиқаришида ва депсиниш 
учун товондан оёқ учига дадил қўйишади. Бошқа оёғи билан олдинга – юқорига тез силтаб, 
тана оғирлигининг умумий маркази таянч устидан ўтиш пайтида эса уни тос суяги билан 
сон суяги қўшилган жойда ва тизза буғимларида букишади. Баскетболчи танаси юқори 
нуқтага етгандаги кўтарилишдан кейин оёғини тўғрилайди ва депсинувчи оёғи ёнига 
келтиради. Исталган усулда сакраганда ерга тушиш мувозанатини сақлаган ҳолда, юмшоқ 
тушиш лозим, бунга оҳиста керилган оёқларнинг юмшатувчи букиш орқали эришилади. 
Ерга бундай тушиш баскетболчига ўйин ҳаракатларини бажаришга тезда киришиш учун 
имкон яратади.

---

Тўхташлар. Вазиятга қараб ўйинчи, кескин югуришлар ва югуриш йўналишини 
ўзгатиришлар билан бир қаторда рақиб таъқибидан бир оз бўлса ҳам қутилишга, бўш жойга 
чиқишга ва кейинги ҳужум ҳаракатлари учун имкониятга эга бўлиш мақсадида кутилмаган 
(қўққисдан) тўхташлардан фойдаланади.
Тўхталиш икки услубда сакраб ва икки қадам билан амалга оширилади. 
Бурилишлар. Ҳужумчи ҳимоячидан қутилиш учун, тўпни уриб чиқаришидан 
сақлаш учун финтларини ишлатиб, сўнг саватга ҳужум қилиш учун бурилишлардан 
фойдаланади. Бурилишнинг иккита олдинга ва орқага бурилиш усули бор.
Олдинга бурилиш баскетболчи юзи билан қаёққа қараган бўлса, шу томонга қадам ташлаб 
ўтиш йўли билан бажарилади, орқага бурилиш эса – у орқаси билан қайси томонга қадам 
ташлаб ўтиш йўли билан бажарилади.