5 Mashg’ulot mavzu: edogonium (oedogonium) va ulotriks

90-rasm. Edogonium (Oedogonium) vegetativ ipining qismi.
Bundan tashqari, monad hujayralari (zoospora, spermatozoid) ko‘p xivchinli bo‘lib, xivchinlari zoosporani old qismida tojga o‘xshab joylashgan. Bunday shakldagi monad hujayra stefanokant deb ataladi. Bu qabilaning eng xarakterli vakili edogoniy bilan tanishamiz (91-rasm).


91-rasm: Edogoniumning jinsiy ko‘payishi.
Edogonium (Oedogonium)ni zoospora tuzilishi elektron mikroskopda yaxshi o‘rganilgan. Edogonium chuchuk suvo‘t bo‘lib, butun er yuzida keng tarqalgan. Tallomi shoxlangan ip shaklida bo‘lib, yoshligida suv ostidagi substratga maxsus bazal hujayra yordamida yopishib o‘sadi, keyinchalik uzilib suv betida suzib turadi. Tez oqar suvlarda o‘sadigan turlari butun hayoti davomida substratga birikkan holda o‘sadi

Edogoniumni jinsiy ko‘payishi oogoniya yo‘li bilan boradi. Oogoniya sharsimon yoki ellipsoid shaklda, yirik, ko‘pincha bo‘rtgan hujayra bo‘lib, 1-2 tadan, ba’zilarida qanchasi tizilgan holda joylashadi. Har qaysi oogoniyada bittadan tuxum hujayra bo‘ladi. Anteridiysi qisqa disksimon bo‘lib, hujayrasi reduksiyalangan xromotoforaga ega. Har qaysi anteridiy hujayrasidan ikkitadan sariq ko‘p xivchinli spermatazoid yetishadi (92-rasm).