5 Ma’ruza: Axborot va kutubxona boshqaruvining iqtisodiy samaradorlik ko‘rsatkichlari. Kutubxona ishining iqtisodiy samaradorlik omillari. Iqtisodiy samaradorlik ko‘rsatkichlari va ularni hisoblash formulalari Reja

Ijodiy yondoshuvning yetishmasligi. Ixtiroga moyilligi boʻlmagan rahbar yangi gʻoyalarni taklif etolmaydi, oʻzgalarda mehnatga boʻlgan ijodiy yondoshuvni uygʻota olmaydi. Bunday rahbar tajribadan, jamoa hayotiga yangilik kiritishdan oʻzini chetga oladi yoki yangiliklar ustidan kuladi. Yuksak ijodiylik toʻsiqni yengib oʻtishni va qiyinchilikka bardosh berib maqsadga intilishni taqozo etadi.
Itoatidagi xodimlarga taʼsir etolmaslik. Rahbar oʻz qoʻli ostidagi xodimlarga taʼsir etishi lozim. Lekin, ayrim rahbar oʻzxodimlariga suyanolmaydi va buning oʻrniga ular haqida salbiy fikrda yuradi. Bunday rahbar oʻz intilishida muntazam emas, atrofdagilar bilan yaqin muloqotga kirishmaydi va oʻz ichki dunyosini yaxshi ifoda etolmaydi.
Boshqaruv faoliyati xususiyatini yaxshi bilmaslik. Boshqaruv faoliyati samarasi haqida maʼlumotga ega boʻlmas ekan, rahbar oʻz malakasini shakllantira olmaydi. Boshqaruvga oʻz yondoshuvini tahlil etolmaydigan rahbar fikr va topshirigʻini ham xodimga tushuntirishi qiyin. Bunday rahbar xodimlari u haqda nima deb oʻylashi bilan qiziqmaydi, oʻz xodimlarini tashabbusga chaqirishi mushkul, ayniqsa topshiriqlar berishga qiynaladi.
Boshqaruv malakasining sustligi. Tashkilotdagi xodim va rusurslarni boshqarish uchun koʻpgina koʻnikmalar zarur boʻlib, ularni rahbarlik qobiliyatlari deyish ham mumkin. Boshqaruv sust boʻlgan jamoada vaqtni behuda oʻtkazish, xodimlarning oʻz imkoniyati darajasida ishlamasligi, mehnatdan qoniqmaslik kabi holatlar kuzatiladi. Bunday guruhda rol taqsimoti sust, mehnatni tashkil etishda behudalik koʻp, oʻzaro munosabatlar esa – qoniqarsiz. Bunday jamoada rahbarning mehnati qadrlanmaydi va psixologik muhit sogʻlom boʻlmaydi.
Itoatidagi xodimlarda mehnat malakasini shakllantira olmaslik. Har bir rahbar vaqti-vaqti bilan ustoz sifatida xodimga ish xususiyatini oʻrgatadi. Xodimning kasbiy qobiliyatini rivojlantira olmaydigan rahbar, oʻz jamoasi mehnatini yuksak darajaga olib chiqolmaydi. Bu holda xodim oʻz mehnati natijasi haqida rahbardan hech qanday fikr eshitmaydi, rahbarning bahosi va tavsiyasi rasmiy tus oladi.