5 Ma’ruza: Axborot va kutubxona boshqaruvining iqtisodiy samaradorlik ko‘rsatkichlari. Kutubxona ishining iqtisodiy samaradorlik omillari. Iqtisodiy samaradorlik ko‘rsatkichlari va ularni hisoblash formulalari Reja

Samarali rahbar qiyofasi. Yuqorida samarali boshqaruv faoliyatini amalga oshirish uchun zarur shaxs xislatlarini keltirib oʻtdik. Bu xislatlarni bilish, rahbar ularni oʻzida shakllantirishga intilishi, soʻzsiz, uning boshqaruv mahoratini yanada yuqori pogʻonalarga olib chiqadi va tashkilotning koʻzlangan maqsadga yoʻnalishini tezlashtiradi.
Samarali boshqaruvga toʻsqinlik qiluvchi shaxs xislatlari. Biznes boshqaruvi sohasidagi olimlar M. Vudkok va D. Frensis bir qancha menejerlar faoliyatini oʻrganib va quyidagi ichki toʻsiqlar menejer faoliyatining samarasini pasaytiradi, deb hisoblaydilar.
Oʻz-oʻzini boshqara olmaslik. Rahbar hayoti hayajon va zoʻriqishlarga toʻla. Bunday sharoitda xulqda aniq maqsadning yoʻqligi nafaqat jamoa faoliyatiga, balki rahbarning sogʻligiga ham salbiy taʼsir etadi.
Shaxsiy qadriyatlarning shakllanmaganligi. Rahbar doim qaror qabul qilish vaziyatida boʻladi. Vaholanki, qaror samarasi shaxsiy qadriyatlar, kasbiy va hayotiy tamoyillarga asoslanadi, ularning shakllanganligi rahbar faoliyatining mazmunini tashkil etadi. Masalan, zamonaviy boshqaruv samaradorlik, xodim imkoniyatlarini ochishga koʻmak, tashkilotga yangilik olib kirishga moyillik kabi qadriyatlarga asoslanadi.
Shaxsiy maqsadning aniq ifodalanmaganligi. Zamonaviy rahbar muhimni nomuhimdan ajrata olishi, mavjud imkoniyatlardan eng maqbulini tanlay bilishi kerak. Tashkilot maqsadini chuqur anglash yoʻlidagi birinchi qadam rahbarning oʻz shaxsiy maqsadlarini yaxshi tushunib yetishidir.
Kamolotga intilishning yoʻqligi. Oʻz ustida ishlashdan bosh tortgan rahbar qaltis vaziyatdan oʻzini olib qochadi, oʻz imkoniyat va qobiliyatini rivojlantirish ustida ishlamaydi, tavakkalga bormaydi va eski, odat tusiga kirgan xatti-harakatlari dorasidan chiqolmaydi.
Muammoni yecha olmaslik. Ayrim rahbar muammo ustida sifatli, muntazam va aql-zakovat bilan ishlay olmaydi. U vazifa maqsadini aniqlash, maʼlumot toʻplash, rejalashtirish va nazoratni amalga oshirish malakasiga ega emas. Natijada hal etilmagan masalalar toʻplanadi va rahbarning muammoni hal etish imkoniyati cheklanib qoladi.